KOMUNIKADO DI KUERPO POLISIAL KÒRSOU Tópiko: hòmber tirá den pia.

komunikado-di-kuerpo-polisial-kc3b2rsou1.jpg

KOMUNIKADO DI KUERPO POLISIAL KÒRSOU
no.: 394 /2016
Fecha: 15 novèmber 2016
Tópiko: hòmber tirá den pia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________

Djamars 15 di novèmber 2016 alrededor di 16.44 or, Sentral di Polis a haña notifikashon ku un hòmber a yega na un kas den Sint Jago i ta hopi agresivo. Na momentu ku polis a yega na e sitio nan no a topa ku e hòmber i a kuminsá ku un búskeda den e área. Nan a señalá e hòmber nèt na momentu ku e tabata bula un muraya i kore bai. Na altura di un radio emisora a bolbe señalá e hòmber aki i a kuminsá un persiguishon. Polis a los dos tiru di atvertensia pero e sospechoso a sigui kore. Den Monte Verde e sospechoso a bai para na un kas bandoná ku dos piedra den man. Polis a lucha ku e sospechoso i pa kibra e atake polis a los tiru ku a alkansá e hòmber na su pia. Ambulans a transportá e sospechoso pa poliklínika di SEHOS pa tratamentu médiko. Polis a detené e hòmber E.J.C. nasé na Kòrsou di 43 aña di edat. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.

This site uses Akismet to reduce spam. Learn how your comment data is processed.

%d bloggers like this: