Harlem Power den final kontra Dreamteam djasabra awor den Liga CSB/MCB maskulino

Harlem Power den final kontra Dreamteam djasabra awor den Liga CSB/MCB maskulino

Playoffnan di Liga CSB/MCBa sigi ku e wega di gran final di Klasse A i tambe semifinal maskulino.
Den e serie di final Soto CMTC a pika dilanti den e serie ganando Demolation Cartel n.v. ku skor di 7 pa 0. Pa Soto 7 kareda 9 hit i 1 eror. Picher ganador tabata Ruthsainy Calmera ku a tira “one hitter”. Miho na bate pa Soto a resulta Sharon-Rose Delanoi di 2-2. Pa Demolation 0 kaeda 1 hit i 2 eror. Picher perdedo Dayanara Pieternella i miho na bate pa Demolation Celeste Fransisca.
21:00 tabatin e di dos wega di e serie semi final maskulino entre Harlem power i Suffisant Eagles. Den un tremendo wega Harlem Power t alaga Suffisant Eagles den tereno ku skor di 9 pa 8. Pa Harlem power 9 kareda 9 hit i 2 eror. Picher ganador pa Haarlem Power Rafael Gonzales i miho bate pa Harlem power Gideon Noor. Pa Suffisant Eagles 8 kareda 6 hit i 4 eror. Picher perdedo Julius Veeris i miho bate pa Suffisant Eagles Rupert Ustacia di 4-2.
Ku e resultado aki Harlem power lo ta den final maskulino kontra di e fuerte equipo di dreamteam djasabra awor pa 21:00 na stadion di Post 6.

Wega pa djawebs.
Djawebs 20:00 lo sigi ku e di 2 wega di final di femenino klasse A entre Soto CMTC i Demolation Cartel n.v.