Soto CMTC kampion invikto di klase A Liga CSB/MCB
Soto CMTC kampion invikto di klase A Liga CSB/MCB
Soto un biaha mas ta pasa den un sustu formalmente na momento ku Demolition tabata falta 1 strike pa nokout Soto CMTC ora ku e wega a jega 5 inning 16 pa 8 pa Demolation. Pero Soto a kwe un rally formalmente kompanja ku erornan kostoso di parti Demolation pa finalmente den extra inning Soto ta bin laga Demolation den tereno ku skor di 19 pa 18. Pa Soto CMTC 19 kareda 17 hit i 3 eror. Picher ganador tabata Sueeni Fundador ku a drenta di relevo . Miho na bate pa Soto a resulta Ruthsayni Calmera di 2-2. Tanusi Delando ku 1 homerun. Pa Demolation 18 kaeda 16 hit i 5 eror. Picher perdedo Dayanara Pieternella i miho na bate pa Demolation Louela Manuel i Nahaira Valorian kada unu di 5-3.
MVP di e serie final aki a resulta Rutsainy Calmera ku 2 wega gana, Den prome wega ku un blankeo i “one” hitter, den di dos wega Ruthsainy a drenta di relevo pa wanta e wega i después pa Sali e picher ganador di e di 2 wega. Den ultimo wega Rutsainy ku 3 atrapada hopi importante den CF i tambe e mes a bai di 2-2 i ela embasa no menos ku na 6 okashon pa kontrubui na e viktoria di Soto CMTC.
Den e siguiente wega ku tabata balido pa e prome wega di gran final Maskulino Dreamteam ta pika 1 pa 0 den e serie dilanti un bon publiko dunando un tremendo wega. Dream team ta gana e equipo di Harlem Power ku skor di 3 pa 2. Pa Dreamteam 3 kareda 3 hit i 1 eror. Picher ganador a resulta Wendley Serberie i miho na bate 3 bateador ku 1 hit. Pa Harlem Power 2 kareda 2 hit i 1 eror. Picher perdedo a resulta Richene Martina i miho bate pa Harlem Power Novil Aniceto di 2-1.
Wega no 2. di playoff final Maskulino lo sigi djarason 20:00 na Stadion di Post 6.
You must log in to post a comment.