Dia internashonal kontra violensha di hende muhé

Dia internashonal kontra violensha di hende muhé

Durante aña 2015, 747 hende muhé a keda registrá na Stichting Slachtofferhulp Curaçao (SSHC). Dia 25 di novèmber 2016 Stichting Slachtofferhulp Curaçao ta konmemorá e dia internashonal kontra violensha di hende muhé.

Den kuadro di prevení violensha kontra di hende muhé i hende hòmber, SSHC a organisá durante henter e siman aki diferente charla na skol, ku lo kulminá riba e fecha 25 di novèmber 2016. SSHC ta konsiente ku banda di ofresé informashon, sosten i guia, e parti de prevenshon ta esensial. Pa ku esaki durante aña 2017 nos lo bai tin mas seshon informativo; pa skol, empresa i fundashon nan. Tur persona i/o organisashon ku ta interesá pa risibí informashon por aserka nos ofisina.

Tambe Stichting Slachtoffer hulp Curaçao lo duna inisio den luna di desèmber 2016 na e grupo “un pa Otro”.
E grupo ta un grupo ku ta bin huntu pa papia. E grupo lo wòrdu dirigí dor di un hende muhé ku a pasa den e situashon di violensha relashonal i awe e ta un sobrebibiente. Huntu kuné lo tin un trahadó sosial di SSHC tambe presente den e grupo.

E meta di e grupo ta pa e kliente haña un lugá ku e ta sintié sigur, pa por konta i papia di su realidat. Dor ku e grupo lo wòrdu dirigí dor di un persona ku a pasa kaba den un situashon di violensha relashonal, e por duna teps, informashon i guia nesesario pa kibra ku e kadenanan di abuso.

Den bida por surgi situashonnan ferfelu ku por afektá bo bida drástikamente. Un aksidente di tráfiko o krímen, asta den bo mes kas òf famia, por hasibo víktima di un momento p otro. Importante ta pa durante e temporada aki i despues, tin un persona ku por ofresé bo e sosten nesesario. SSHC ta duna informashon, guia i sosten profeshonal i konfidensial.

SSHC ta brinda bo e yudansa aki kompletamente grátis i durante 24 ora. Pa tuma kontakto por hasi esaki via di number di telefòn 461-7575 o 461-7575. Despues di 19.00 e number di telefòn ta 510-7575.

voorlichting1-1

voorlichting-2-1

STOPPERTJE SSHC 3 kleur

STOPPERTJE SSHC 2 kleur

STOPPERTJE SSHC 1 kleur

This site uses Akismet to reduce spam. Learn how your comment data is processed.

error: Content is protected !!
%d bloggers like this: