MINISTERIO PUBLIKO TA INFORMA KU DEMANDA A KAI DEN E KASO DI FRANKY’S STUL

November 25, 2016November 25, 2016 REDAKSHON

Info OM:
Fiskal di Ministerio Publiko (OM) a hasi demanda awe den kaso BlueBay. Ta trata e kaso di atrako i robo i na unda komersiante Franky Ignacia a bin perde su bida debi na herida na su kabes i finalmente choká pa motibu ku a plak su boka sera.

4 Sospechoso, 4 miembro di e mesun famia, a keda detene den e kaso aki, sospecha di ta ko-outor (medeplegen) i komplisidat (medeplichtigheid na esaki.
E demanda awe di Fiskal di OM tabata:

E.S. (34): 15 aña prison

C.S. (28): 15 aña prison

S.S. (33): 10 aña prison

G.S. (35): 10 aña prison
Wes a wanta e kaso na e momentu nan aki. Wes disidi ku abogadonan ta tene nan pleidooi dia 15 di februari 2017 pa motibu ku ta wardando ainda riba resultado di DNA for di Ulanda. E resultado ta bai drenta na yanuari 2017.

Despues di pleidooi di abogadonan Wes ta bai duna su veredikto den e kaso aki.
Wes a ninga pa laga e sospechosonan den libertat pendiente e kontinuashon di e kaso i veredikto. E petishon di abogadonan a keda rechasá dor di Wes