MFK: M O S H O N :Parlamento di Kòrsou den Reunion Públiko di awe 25 di novèmber 2016

M O S H O N :Parlamento di Kòrsou den Reunion Públiko di awe 25 di novèmber 2016

Konsiderando:

– ku for di aña 1976 i 1996 den Reunionnan organisá pa Nashonnan Uní ku a tuma lugá na Vancouver i Istanbul, reglanan nobo a keda adoptá pa loke ta realisashon di habitat nan urbano (Habitat I i Habitat II).

– ku resientemente na e reunionnan ku a tuma lugá na Quito-Ecuador di 17 pa 20 di òktober 2016, kaminda un delegashon amplio di Parlamento i tambe Ministerio di VVRP a partisipá i e palabrashonnan ariba menshoná a keda ratifiká (resolushon Habitat III).

– ku banda di e palabrashonnan eksistente a bin un seri di palabrashonnan nobo pa loke ta realisashon di habitat nan urbano sostenibel pa mundu.

– ku nos ordenansa di zonifikashon (EOP Regeling) no ta permití nos desaroyá modelonan sostenibel (manera palabrá durante reunionnan na Quito 2016) pa motibu ku e ta basá riba un sistema ku a keda desaroyá entre 1916 i 1926 yama “Euclidean Zoning”.

– ku nos mester adoptá un otro sistema di zonifikashon pa kumpli ku e “Agènda Urbano Nobo” manera a keda palabrá na Vancouver 1976, Istanbul 1996 i na Quito 2016 i tambe na e konferensianan menshoná den artíkulo 6 di e “Quito Declaration on Sustainable Cities and Human Settlements for all”.

– Ku segun lei gobièrnu kada 5 aña mester a revisá i òf adaptá konforme desaroyo di tempu nos EOP regeling i esaki no a tuma lugá ainda awe despues di 21 aña.

Ta disidí:

– Parlamento ta adoptá e resolushon manera a keda aprobá dor Nashonnan Uni na Quito, Ecuador 2016

– pa instruí Gobièrnu pa obligá tur departamento i/òf instansia ku ta envolví den trahamentu di plannan i proyektonan nobo di urbanisashon, pa tene kuenta i traha di akuerdo ku e resolushonnan di Nashonnan Uní aprobá na Quito – Habitat III t’e asina leu ku esaki ta posibel den nos leinan.

– pa instruí Gobièrnu pa den un término di 15 dia, tene un “meeting” ku tur e “stakeholder”nan envolví den e área di urbanisashon, pa partisipá kiko ta e reglanan i palabrashonnan nobo riba e tereno di urbanisashon sostenibel basa riba e resolushon adoptá.

– pa lanta un komishon nobo (Komishon Smart Zoning) konsistiendo di un parlamentario di kada frakshon den parlamento di Kòrsou pa “monitor” e desaroyonan i palabrashonnan ku mester keda hasí relashoná ku e “Agènda Urbano Nobo”.

– pa e komishon ariba menshoná guia un proseso nobo den 120 dia pa nos yega na un firma ku ta spesialisá riba tereno di “Form Based Code/Smart Code” pa nos yega na un lei nobo di zonifikashon, hasiendo uso di un di e siguiente ekspertonan riba tereno di urbanisashon:

Duany Plater Zyberk
Dover Köhl & Partners
Goody Clancy & Associates
Roma Design Group
Calthorpe & Associates

– Pa trese adaptashon nesesario den presupuesto 2017 di Staten i pa pone un suma inisial disponibel di 1 mion florin i si ta necesario koloká mas fondo pa yega na e lei nobo di zonifikashon pa aña 2017, pa hasi esaki posibel.

i ta pasa pa órden di dia.

motie-1-d

motie-2-d

motie-3-d

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: