RESULTADO PRELIMINAR KUES TUR TA KONTA

KUES TUR TA KONTA

Djadumingu pasá Fundashon Tur Ta konta a organisá pa di dos bia e préliminar di Kues Tur Ta Konta. E aña akí 24 skol di fundishi a inskirbí pa midi nan abilidat di aritmétika i matemátika. Lastimanente seis skol no a yega pa por partisipá probablemente debi na sirkumstansha di wer.
E kues tabata un èksito rotundo i hopi interesante.
Kada mucha ku a partisipá meresé un elogio grandi !

Komo ganadónan di grupo A, B, C i D a sali:

1. grupo A: St. Franciscus College
2. grupo B: Johan van Walbeeck school
3. grupo C: M.M. Römer school
4. grupo D: Coromoto College

Johan van Walbeeck school i M.M. Römer school tabatin e mihó skor final.

E alumnonan ku a skor mas mihó den e préliminar tabata:
1. grupo A: Ze Xing Wu (St Franciscus College)
2. grupo B: Ajay Ronghari en Julian de Haas (Johan van Walbeeck)
3. grupo C: Zahra Nissa, Himnish Sukhnani, Saul Fillet (M.M. Römer school) i Edmund Millard (St Antonius College)
4. grupo D: Shazyr Jansen (Coromoto College).

Shazyr Jansen di Coromoto College tabatin tur tarea bon i e tabata e alumno ku a skor mas mihó.

E ganadonan di e kuater grupo di e préliminar a risibí nan premio i tambe e alumnonan ku a skor mas mihó a risibí un premio. E skolnan ku a skor mas haltu den tur skol ta bai haña un premio èkstra. Tur alumno partisipante a risibí skref di aritmétika di Kues Tur Ta Konta.

Awor tur hende ta en espera di e gran final dia 26 di mart 2017 kaminda e kuater finalista ta topa otro pa sa ta ken ta number 1, e kampion di aritmétika na Kòrsou.

E kues akí ta un kolaborashon ku UoC i UTS. Tur asaki no tabata posibel sin e yudansa di 40 boluntario, e maestronan, mayornan, nos fotógrafo Kevin de Haseth i e donatùrnan: Goisco, Mensing’s Caminada, One Media Group, EWT Curaçao, Samsom Curaçao N.V. i Coca Cola.
deelenemers-johan-van-walbeeck-school

deelnemers-coromoto-college

deelnemers-mm-romerschool-2

deelnemers-st-franciscus-college

kdh-photography-5

This site uses Akismet to reduce spam. Learn how your comment data is processed.

error: Content is protected !!
%d bloggers like this: