Djamars 29 di novèmber 2016, e kompania di aviashon AVA Airways a tene un rueda di prensa presedí pa sr. Oliver Arrindell,

Djamars 29 di novèmber 2016, e kompania di aviashon AVA Airways a tene un rueda di prensa presedí pa sr. Oliver Arrindell, ku a duna di konosé ku e situashon ku nos ta den, ta un situashon hopi deskriminatorio.
Pa motibu ku e mes un gobiernu ku a pèrmití DAE bati bankrut, alabes a perkurá pa tur problema ku AVA Airways ta konfrontá, ta bai duna sosten na Insel Air ku ta un kompania privá, lokual no ta hustu. Sr. Arrindell a keda sorprendí pa un dekreto di gobiernu ku ta referí na minister di Ekonomia, minister di Finansa i minister di Transporte pa un posibel yudansa pa kompania Insel Air.
Abogado Chester Peterson a duna di konosé ku entretantu AVA Airways tin kasi un (1) aña ta warda riba kontesta di minister Camelia-Römer di VVRP. Direktiva di AVA Airways a hasi entrega di un apelashon kontra di e desishon di minister Camelia-Römer pa keda sin otorgá AVA Airways e pèrmitnan ekonomiko nesesario