GetGifted lo trese hopi regalo pa Kòrsou: Digicel ta lansa kampaña pa fin di aña ‘Get Gifted’

#GetGifted lo trese hopi regalo pa Kòrsou: Digicel ta lansa kampaña pa fin di aña ‘Get Gifted’

WILLEMSTAD: Awe Digicel ta lansa su kampaña navideño #GetGifted ku ta e tema pa e fin di aña aki den tur merkado. E kampaña a wòrdu krea riba e promesa ku Pasku ta e temporada di mas felis i klaro suprayá ku dunamentu di regalo na otro, tempu pa famia, goso i felisidat. E temporada aki nos tur ta yen di espektativa pa mira kiko tin bou di kèrstbom pa nos, of jùist buskando un regalo pa nos duna un otro persona.

Klaro, e temporada aki Digicel tin ofertanan espektakular! “Data ta hopi importante pa nos klientenan i usuarionan di smartphone di tur edat. Digicel sá presis kiko nan ke! E temporada aki nos lo regalá hopi data ya tur kliente ta keda konektá durante di e temporada aki tambe,” esaki di akuerdo ku Shayenne Rock, Head of Marketing pa Digicel Kòrsou. E kampaña aki, ta keda kompañá pa un tema musikal titulá ‘Gifted’ ku a keda produsí pa Digicel su Chief Speed Officer, atleta i medayista olímpiko Usain Bolt i kompartí riba su sosial media. E kansion a bira un ‘hit’ mesora pa fanatikonan di Bolt, risibiendo mas di 6.5 mion views den algun dia.

Data i telefon, e kombinashon pa un bon konektividat e temporada aki. Pesei, tin un oferta pa prepaid ku ta duna e kliente 750 MB di data grátis, bálido pa 7 dia. Tambe klientenan di Digicel por risibí 50% èkstra data, e oferta aki ta únikamente bálido den un plan di data di 7 òf 30 dia. Ámbos oferta ta balido te ku 31 di desèmber 2016.

#GetGifted Kids
Niun kampaña di Digicel no ta kompletu sin un rason pa duna bèk na komunidat, e aña aki no ta un eksepshon. Digicel a partner ku B4K (Bike4Kids) pa duna muchanan di ménos rekurso un baiskel, di e forma ei pone un sonrisa riba nan kara e temporada aki. E kampaña #GetGifted, lo trese hopi amor i goso pa Bike For Kids Organization. “E temporada aki, nos ke krea konsiensia riba e aspekto di risibí òf duna regalo. For di e regalo musikal di Usain Bolt te na duna nos klientenan e mihó produktonan i servisio òf duna muchanan un regalo memorabel pa e Pasku aki- nos sá, kiko nos klientenan ke i t’esei nos ta duna nan,” asina Shayenne Rock a finalisá. Klientenan di Digicel Kòrsou ta keda invitá pa nan keda pendiente e fin di aña aki pa ofertanan, promoshonnan atraktivo i hopi regalo den e kampaña #GetGifted.

get-gifted-digicel_web

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: