BIA BON REPRESENTÁ DEN KONFERENSHA DI ACI-LAC NA BRAZIL / BIA GOED VERTEGENWOORDIGD BIJ DE ACI-LAC CONFERENTIE IN BRAZILIÉ

BIA BON REPRESENTÁ DEN KONFERENSHA DI ACI-LAC NA BRAZIL

Kralendijk – Na kuminsamentu di luna di novèmber a tuma lugá un konferensha yamá, ACI-LAC na Brazil. ACI-LAC ta abreviashon di Airport Council International Latin America-Caribbean i ta trata aki di un organisashon ku ta konsistí di operadónan di aeropuertonan internashonal di Amérika Latino i di Karibe.
Pa ta eksakto e konferensha aki a tuma lugá dianan 8 pa10 di novèmber último. Boneiru a keda representá pa sr. Michael Nicolaas den su kalidat di C.E.O. di Bonaire International Airport (BIA) i e konferensha a konta ku partisipashon di treshentisinkuenta (350) partisipante di trintisinku (35) pais.
Tema di e konferensha aki tabata bintisinku (25) aña di inovashon i kambionan den maneho di aeropuerto, tambe kompetensianan pa futuro.
Den e tres dianan di konferensha e delegadonan a deliberá ku otro riba e temanan pa yega na konklushonnan konkreto pa optimalisá operashonnan na interes di aeropuertonan. Mas aleu tambe a diskutí enkuanto di desaroyonan den industria di aviashon i otro tópikonan di interes.
Pa konklushon di e konferensha a trata aspektonan di infrastruktura, seguridat, fasilidatnan i aspektonan finansiero di un aeropuerto.
Un di e puntonan mas esensial ta ku Boneiru ofisialmente a keda nombrá komo miembro di e organisashon pa e periodo 2017-2018, den persona di C.E.O. di BIA, sr. Micheal Nicolaas.
Di parti gobièrnu di Boneiru, nos ta masha orguyo ku nos por ta forma parti di un organisashon tan prestigioso.

BIA GOED VERTEGENWOORDIGD BIJ DE ACI-LAC CONFERENTIE IN
BRAZILIÉ

Kralendijk – Begin november heeft er een conferentie plaatsgevonden genaamd ACI-LAC in Brazilië. ACI-LAC is de afkorting van Airport Council International Latin America-Caribbean en het betreft hier een organisatie die bestaat uit beheerders van internationale luchthavens in Latijns-Amerika en de Cariben.
Deze conferentie heeft, om exact te zijn, van 8 tot 10 november plaatsgevonden. Bonaire werd vertegenwoordigd door dhr Michael Nicolaas in zijn hoedanigheid van C.E.O. van de Bonaire International Airport (BIA) en de conferentie kon rekenen op deelname van driehondervijftig (350) deelnemers uit vijfendertig (35) landen.
De thema’s van deze conferentie waren vijfentwintig (25) jaar innovatie en veranderingen in luchthavenbeleid en ook competenties van de toekomst.
Gedurende de drie conferentiedagen hebben de delegaties met elkaar overlegd over de thema’s om tot concrete beslissingen te komen om de exploitatie te optimaliseren in het belang van de luchthavens. Verder hebben ze ook gediscussieerd over de ontwikkelingen in de luchtvaartindustrie en andere onderwerpen die van belang waren.
Ter afsluiting van de conferentie werden aspecten van infrastructuur, veiligheid en voorzieningen en financiële aspecten behandeld.
Eén van de meest essentiële punten is dat Bonaire officieel is benoemd tot lid van de organisatie voor de periode 2017-2018, in de persoon van de C.E.O. van de BIA, dhr Michael Nicolaas.
Zijdens het Bonairiaanse eilandsbestuur zijn wij er heel trots op dat wij deel kunnen uitmaken van zo’n prestigieuze organisatie.

bia

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: