Advertisements

Un persona prekupa / desepshona ku maneho di nos bankonan riba djasabra

Apresiabel redakshon di Kiko Ta Pasando Notisia,
Pa medio di esaki mi ke ekspresá un preokupashon.
Komo ku mi ta kue job despues di trabou, mi a registrá un eenmanszaak ku su propio kuenta bankario na ‘bo banko amigu’.
Pa mi sorpresa, mi a bai hasi un deposito riba e kuenta di kompania i mi a haña di kompronde ku riba djasabra banko No ta hasi transakshon pa kuenta di kompania.
Awor, den siman mi ta traha di 8 pa 5. Den mi break  mi ta buska mi yu for di skol. Pues ta djasabra mainta mi por bai banko.
Na momentu ku mi a trata na hasi e deposito via di e bankomatiko, mi a haña melding ku esey no ta posibel.
Pues pa tur loke ta pasa riba nos pais, lo mi tin ku
1. Tuma liber den siman pa mi bai banko pa kualke transakshon di kompania;
2. Nenga di risibí pago riba djabièrnè pa evitá keda ku e pago riba mi sin por depositá esaki, ku tur riesgo ku mi por kore. Kore riesgo tambe di keda sin risibí pago pa mi trabou despues;
3. Depositá e montante riba mi kuenta personal i kore riesgo di haña problema ku servisio di impuesto.
Pa kua motibu anto ‘bo banko amigu’ ta habri su kahanan riba djasabra??? Pa transakshon personal so?
Mi ta gradisí pa e oportunidat brindá pa mi por a ekspresá mi preokupashon.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: