Pa di dos aña konsekutivo e kareda di Papa Pasku: Get Gifted ku Digicel durante di e próksimo Santa Run

Pa di dos aña konsekutivo e kareda di Papa Pasku: Get Gifted ku Digicel durante di e próksimo Santa Run

WILLEMSTAD: E aña aki lo ta, e di 2 aña konsekutivo ku Digicel lo partisipá na e Santa Run. Dia 23 di desèmber próksimo ‘Santa’ lo invadí nos sentro di siudat i trese hopi goso pa Kòrsou. E paseo di Papa Pasku organisá dor di fundashon ‘Di Kòrsou, pa Kòrsou’ tin komo meta pa duna bèk na komunidat dor di hasi donashon na famianan ménos pudiente, di e forma aki ta duna nan e oportunidat di selebrá Pasku di un manera bunita. Esaki ta kuadra perfektamente ku e kampaña #GetGifted di Digicel.

E aña aki Digicel lo kontribuí ku 225 pakete di kuminda, esaki ta 150 pakete mas ku aña pasá, Shayenne Rock, Head of Marketing ta komentá, “E meta di Santa Run semper ta unu ku nos komo empresa por identifiká kuné, e aña aki nos kampaña #GetGifted ta personifiká loke nos a bin ta hasi pa vários aña kaba na Kòrsou. Tin algu spesial, ora ku nos duna na un otro, sigur den e temporada di fin di aña. Manera ya kaba ta bon konosí Digicel su esfuersonan komunitario ta kontinuo, esaki ta posibel ku aporte di tur usuario di Digicel.”

Digicel lo pèrkurá pa hopi sorpresa durante di e Santa Run. Ta invitá tur kliente pa sigui e página di Facebook di Digicel i keda na altura di tur promoshon relashoná ku Santa Run i e kampaña #GetGifted. Komo patrosinador mayó di Santa Run, Digicel ta invitabo kumpra bo karchi i aportá na e bunita kousa. Tur fondo rekoudá e aña aki lo bai pa fundashon ‘Di Kòrsou, pa Kòrsou’. Digicel i fundashon ‘Di Kòrsou, pa Kòrsou’ huntu lo soru pa hasi entrega di e paketenan di kuminda na e respektivo famianan.

E kontribushon di 225 pakete di kuminda na Santa Run ta keda añadí na e akshon pa B4K (Bike4Kids) di Digicel den kual lo duna mas ku 100 mucha di ménos rekurso un baiskel, i di e forma ei pone un sonrisa riba nan kara e temporada aki. “Santa Run e aña aki ta keda añadí na nos akshonnan komunitario, ademas tin algu ekstraordinario na e panorama di nos sentro di siudat aksentuá pa e koló kòrá i kolmá di Papa Pasku”, asina Shayenne Rock a tèrminá. Digicel ta invitabo pa #GetGifted durante Santa Run.