Inisiá investigashon ‘ambsthalve’ riba otorgamentu di proyekto di “Bachelor Opleiding Policing” pa kuerpo polisial pa un balor 5.6 mion florin miéntras ku ORV ‘opleidingsinstituut’ ta bezig ku opleiding kaba na polis konforme “Landsbesluit” di 30 di desèmber 2014 # 14/3510
Algemene Rekenkamer Curacao
Ansinghstraat 28
Presente
Tópiko : Inisiá investigashon ‘ambsthalve’ riba otorgamentu di proyekto di “Bachelor Opleiding Policing” pa kuerpo polisial pa un balor 5.6 mion florin miéntras ku ORV ‘opleidingsinstituut’ ta bezig ku opleiding kaba na polis konforme “Landsbesluit” di 30 di desèmber 2014 # 14/3510
Apresiabel miembronan di Algemene Rekenkamer Curacao (ARC), pa medio di esaki suskritonan miembronan di parlamento ta aserka bo(so) kolegio ku e petishon pa hasi un investigashon ‘ambtshalve’ riba e “Rechtmatigheid” i “Doelmatigheid” di e proseso pa à otorgá e trayekto di Bachelor pa kuerpo polisial na e kompania ICUC International B.V.
Motibu di e petishon pa investigashon aki ta pa motibu ku djamars 6 di desèmber último, parlamento di Kòrsou a trata den un seshon públiko e desishon di minister di hustisia sr. Nelson Navarro pa otorgá e trayekto di entrenamentu na nivel di “Bachelor” na e kompania ICUC International B.V. ku komo úniko direktor tin sr. Carl Camelia.
Durante di e debate suskritonan a mustra e minister riba diferente violashon di artíkulonan di e lei di kontabilidat, manera entre otro;
Artíkulo 10 insiso 1;
Opdrachten tot het uitvoeren van werken en het doen van leveringen of dienst- verrichtingen ten behoeve van het Land waarvan de geraamde waarde gelijk is aan of groter is dan NAf 100.000, worden in het openbaar aanbesteed. In afwijking van de eerste volzin worden alleen opdrachten tot het uitvoeren van civiel technische werken, waarvan de geraamde waarde gelijk is aan of groter is dan NAf 250.000 in het openbaar aanbesteed.
No tabata tin un destaho públiko
Artíkulo 10 insiso 5;
De Minister van Financiën kan in het Landsbelang, in een met redenen omklede beschikking, beslissen dat wordt afgezien van de in het eerste en tweede lid bedoelde openbare aanbesteding respectievelijk offerte procedure.
Riba pregunta di un miembro di parlamento, si minister di hustisia tin un beschikking di minister di finansa pa no a tene un destaho públiko, minister Navarro a kontesta ku su persona a haña un aprobashon verbal di minister di finansa.
Esaki ta djis algun violashon di nos leinan di kontabilidat.
Banda di violashon di e lei di kontabilidat suskritonan ta konstatá ku e kurso aki ta sali hopi mas karu, kompará ku e preis di merkado pa un kurso di Bachelor lokal, den region i internashonal.
Tambe nos ta konstatá ku ta otorgá hinter e trayekto aki na un universidat ku no ta operashonal, ku otro palabra no tin ningun dosente den servisio, e universidat no ta dispone di un lokalidat pa duna lès i no tin ningun studiante ku ta bishita awe e universidat aki. Kontesta di minister ta ku e universidat aki no tin niun studiante i ku ta un pòst adrès so e tin na kaminda Cas Grandi # 79.
Pa suskritonan tin motibunan sufisiente pa ARC kuminsá ku un investigashon, manera ya indiká mas ariba den e karta aki. Mirando e desepshon ku ta biba bou di sindikatonan di kuerpo polisial, pueblo di Kòrsou i tambe nos komo parlamentario, nos ta urgi ARC pa hasi e loke nan ta nesesario pa hasi e investigashon aki.
Athunto risibí dos moshon ku suskritonan a entrega ayera pa para e trayekto aki i aloká e 5,6 mion pa nesesidatnan mas urgente den nos komunidat, pero lamentablemente e moshonnan no a konta ku un sosten di mayoria den Staten i a wòrdu rechasá dor di e mayoria di 11.
Athunto nos ta suministrá ARC informashon ku ta prueba diferente violashon, prueba ku minister ya a start konforme, “Landsbesluit” di 30 di desèmber 2014 ku ta mará na e Rijkswet, publiká den Staatscourant dia 21 yüli 2010 # 11398 i tambe den Curaçaose Courant dia 27 di ougùstùs 2010, # 3, un trayekto via di ORV pa trein polis na nivel di ‘Bachelor’ i tambe e dokumento ku konseho di minister a basa su mes pa tuma e desishon di otorgá ICUC International B.V. na 26 di òktober 2016 un proyekto na balor di 5.6 mion den 5 aña.
Miembronan di Parlamento,
___________________ ____________________ ___________________
Lider di Frakshon MFK Lider di Frakshon KDNT Lider di Frakshon UKH
___________________ ____________________
Lider di Frakshon MP Miembro independiente
