Último dianan pa registrá pa kùr ta 12, 13 i 14 di desèmber 2016

Último dianan pa registrá pa kùr ta 12, 13 i 14 di desèmber 2016

Willemstad – Ministerio di Salubridat, Medio Ambiente i Naturalesa ta partisipá ku dianan 12, 13 i 14 di desèmber ta último dianan ku por registrá pa kùr den 2016. E proseso di kùr pa 2017 ta sigui dia 9 di yanüari. Konforme lei tur persona ku ta prepará i bende kos di kome i kos di bebe na públiko mester tin un karchi di kùr válido di UO G&Gz (ántes GGD). Esaki tambe ta konta pa aktividatnan di fin di aña i manera aña bòltu pa temporada di karnaval.

Por hasi petishon pa kùr riba djaluna, djamars i djarason na departamentu di kùr di Departamentu di Higiena Tékniko i Kontròl THZ na Asuntunan di Salubridat Públiko na Piscaderaweg 49, Mundu Nobo, di 7:30’or pa 9:30’or di mainta personalmente. Mester bin ku un identifikashon válido sea reibeweis, sédula o pasport, un pasfoto resien i paga Nafls 50,00 pa persona. Mes momentu e persona ta skohé un manual den e idioma di su preferensia sea papiamentu, hulandes, ingles, spañó òf chines i e ta haña un fecha pa su èksamen.

Dianan di èksamen ta riba djaluna, djamars i djarason parti mainta o mèrdia. Èksamen ta dura 25 minüt i e persona mester yega mei ora promé.

.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: