Djaweps 15 Desèmber 2016 HOPE a klousura aña ku VSO ZMLK Marieta Alberto realisando nan proyekto di “Generosidat”.

WILLEMSTAD- Djaweps 15 Desèmber 2016 HOPE a klousura aña ku VSO ZMLK Marieta Alberto realisando nan proyekto di “Generosidat”. Esaki a tuma lugá den un ambiente ameno durante oranan di mainta den sala Wayaka di World Trade Center na kual alumnonan di e skol den kompania di maestronan, asistentenan i boluntarionan en total 100 persona, a partisipá. Esaki tabata e penúltimo di en total 4 aktividat di e proyekto ariba menshoná.

E programa di e dia a konsistí di un presentashon di señor Roland Colastica i Norma Cova den kual e muchanan presente a wòrdu embolukra. Tambe señor Rignald Vidal a presentá espontaneamente algun kansion. I e mainta a wòrdu klousurá ku presentashon di 2 alumno di e skol ku a rèp i tambe un kontèst di baile entre e alumnonan, maestronanan, boluntarionan i asistentenan di skol. Tur presente a risibí tambe un pakete ku algun kos dushi pa bai kas ku é. The Trader a enkargá tambe di un sukulento desayuno i brunch pa tur ku tabata tei. Señor Nabi, maestro di deporte di e skol a fungi komo maestro di seremonia i a demonstrá tambe su talento di kanto na komienso di e mainta.
djaweps-15-desember-2016-hope-a-klousura-ana-ku-vso-zmlk-marieta-alberto-realisando-nan-proyekto-di-generosidat

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: