Alto Comisario mr. Adolfo “Dolfi” Richardson: “Momento unico pa comparti ideanan” – Ex Alto Comisarionan di Cuerpo Policial Aruba a topa otro

Alto Comisario mr. Adolfo “Dolfi” Richardson: “Momento unico pa comparti ideanan” – Ex Alto Comisarionan di Cuerpo Policial Aruba a topa otro
Cuerpo Policial di Aruba ta celebrando 30 aña di existencia y den cuadro di esaki recientemente a tene un bunita actividad cu tur e ex Alto Comisarionan cu a eherce e funcion aki desde cu nos isla a bira pais Aruba. Alto Comisario di Cuerpo Policial, mr. Adolfo “Dolfi” Richardson a expresa cu tabata un honor p’e pa e por a comparti un momento cu tur e ex Korps Chefnan cu danki na Dios tur ta na bida. El a menciona cu e unico cu no por tabata presente ta Peter de Witte ya cu e ta den exterior.
Alto Comisario Richardson a laga sa cu tabata un momento hopi alegre. “Personalmente mi tin un relacion apart cu cada un di e hefenan di polis, pesey mi a comparti cu nan tur”. Tabata un rato hopi ameno y a enfatisa cu tur tin algo en comun ya cu esaki no ta un trabao facil. Tin momentonan unda mester tuma cierto decisionnan cu lo tin su impacto, asina Alto Comisario Dolfi Richardson a bisa.
A topa cu ex Alto Comisario Roland Peterson, kende tabata e prome Alto Comisario despues di nos Status Aparte, sigui pa Lucas “Arie” Rasmijn, Alwin Nectar y mr. Rolando “Ronnie” Bernadina. Despues a sigui ainda Peter de Witte, cu no ta na Aruba y desde algun aña pasa mr. Dolfi Richardson ta na cabes di e organisacion policial di nos pais.
Esaki tabata tambe un bon momento pa Cuerpo Policial Aruba ya cu tin hopi colega nobo, pa nan cera conoci cu e hendenan cu a percura pa e fundeshi di e organisacion dinamico aki, di acuerdo cu e actual hefe di Polis. El a agrega cu ta bon pa realisa esaki di un manera structural ya cu esaki ta un momento unico pa comparti ideanan y consehonan.

polis-aruba-19122019-2-7

polis-aruba-19122019-2-6

polis-aruba-19122019-2-5

polis-aruba-19122019-2-4

polis-aruba-19122019-2-3

polis-aruba-19122019-2-2

polis-aruba-19122019-2-1

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: