Yamando danki i ku speransa vensiendo retonan personal SBO1 PLUS

Selebrashon di yama danki ku Direktora di SBO Sra Maria i direktora nobo nombra na SBO1 plus a organisá ku un tim di alumnonan ehemplar pa tur alumno nobo riba e trayekto SBO1 plus.

Loke a por a parse un selebrashon tradishonal  anual a kumpli ku metanan sumamente interesante pa un opservador krítiko.

Hopi dje alumnonan aki a kai for di nos enseñansa regular hopi bes pa e maleta ku nan ta karga ku nan di problemanan di indole familiar sosial kaminda okashonnan speshal pa sinta kome huntu no ta usual.

E okashon aki a kumpli ku un meta sumamente positivo di  inkulká den kurason dje hóbennan e importansha di konvivensia, i huntu ku esaki bistimentu pku ta pas ku e okashon na kual nan ta invitá i ta partisipá kubri ku alegria i bon komporatashon 

Tabata refereskante mira alumnonan refelhando nan personalidat vibrante den e kombinashon di tragenan ku nan a skohe pa e okashon aki i den forma armonioso partisipá na un bufete wardando nan turno pa haña nan sena di anochi i finalmente agrupá huntu na mesanan di dies dies ku otro kolega stuidante di SBO1 pus.

Sonrisa, alegria i testimonio dramátiko di un hóben ( na final)  ku un nesesidat asina grandi na yama danki públikamente i animá su koleganan studiante pa no kometé e mesun erornan ku ela hasi. Hunga badjòn, tenta, hasi bofón di otro, ofendé otro i sigui un kurso egoista den bida ku a hibele na kai pisa den droga, 

No opstante ku entusiasmo i konfiansa a deklará ku e ta 8 luna CLEAN di droga i ta falta 4 luna pa e alkansá otro  reto pesonal mientras ela deklará su firmesa pa kue e oportunidsat nobo aki ku bida ta duné i saka lo mákmsimo for di dje pa asina hasi sigur ku e ta retomá kontròl total di su bida i bira responsabel pa su mes i su futuro i duna su kontribushon positivo na su komunidat. Su isla stimá. 

Yamando maestronan di SBO1 plus danki pa nan esfuerso i pasenchi pa ku amor guia nan. Ela skirbí un obra drámatiko di komedia ku ta reflehá kon un hóben ta wanta preshon di su amigunan ku kier pushele na desobedesé su mayornan i enbés di yuda su tata bai kore paranda. SIguiendo e maestro su animashon ku e kaminda ei un dia lo paga i duna su bon frutanan e hóben a persistí den su determinashon di yuda su tata den trabou.  Mustrando na final ku ta berdat e kaminda bon ta paga i esfuerso i sakrifisionan ta hiba na frutanan durandero. Na yanüari e lo bolbe presentea su obra skirbí di nobo.

Un anochi eksitoso.  Bon kuminda, dushi ambiente, presentashon di rèpnan kju letranan motivante  u  komedia dreamatiko i alumnonan bunita bistí gosando di e anochi speshal aki. Chapeau. pabien na  direktiva di SBO i SBO1 plus enkabesá pa Direktora sra. Maria.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: