Ya tur kos ta kla pa Pasku Anochi Rey John Cache Gentz Era den WTC

Ya tur kos ta kla pa Pasku Anochi Rey John Cache Gentz Era den WTC

WILLEMSTAD.- Dia 25 desèmber próksimo, World Trade Center un biaha mas lo ta e esenario pa é fiesta magno, é fiesta grandi ku tur hende ta pendiente p’e. Ta trata aki di “The Annual Christmas Party” ku ya pa 13 aña kaba a bin ta konsagrá su mes indiskutiblemente komo un di e fiestanan grandi pa loke ta trata fin di aña.
E aña aki e tim organisatorio a opta pa trese un kombinashon ku lo bai topa otro pa promé bia den e Fiesta Anual ku sa tuma lugá riba Pasku Anochi, ta trata aki di Cache Royale, Era i Gentz i komo chèri riba e bolo lo tei direktamente for di New York, e artista mas kayente na e momentu aki ku su hit sumamente duru pega i zonando ku un frekuensia haltísimo na tur e radio emisoranan kual ta “El Problema” kende ta Rey John.
E partisipashon di Rey John den ‘The Annual Christmas Party’ sigur lo bai trese un vibrashon kompletamente diferente i un ambiente dushi huntu ku Cache, Era ku Gentz e aña aki tambe den The Annual Christmas Party.
Ta bon pa bisa ku no únikamente e éksito ‘El Problema’ pero ta un selekshon kompletu di piesanan potensial Rey John tin riba su produkshon manera “Vagabundo”, “Mátame”, “Luna” i vários mas.
KARCHI DI PRE-BENTA
Ya e pre-benta a kuminsá i e karchinan di entrada general ta optenibel na Tik Tak, Mensing, Pompstation Santa Maria i Beep Beep.
RESERVAHON DI VIP
Aparte di e karchinan di entrada general tin tambe karchinan di VIP Single i VIP Table. Pa reservashon di bo karchi VIP Single por yama 562-0112 òf pa VIP Table 513-2841.
Finalmente un rekomendashon ta bai na tur pa buska nan karchi pa garantisá bo entrada den é fiesta riba Pasku Anochi, ku sigur lo bai ta super espektakular e aña aki ku Rey John, Cache, Era i Gentz huntu pa promé bia riba Pasku Anochi, pues no warda te na último momento pa kumpra bo karchi pa bo no yora malai…..paso e aña aki sigur bon por keda for di The Annual Christmas Party.

rey-final

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: