Zojojo i su grupo ta lamentá pero E tradishon na Yolanda snèk a pasa pa historia Komersiante ta keda para riba su punto

Zojojo i su grupo ta lamentá pero E tradishon na Yolanda snèk a pasa pa historia Komersiante ta keda para riba su punto

Un tradishon ku a kuminsá for di 1988 a terminá pasó e doño di e lugá no ke kumpli ku pago hustu.
Pa 28 aña kaba Zojojo i su grupo ta kumpli ku un tradishon na Yolanda Snèk tokando den fin di aña. E fanatikonan a kustumá ku e lugá i ta asistí masalmente. Den pasado e doño a pidi e grupo su koperashon ya komo e ta bisa di tabata hiba pèrdida debí na e chines ku tabata pegá kun’é kaminda e hendenan tabata bai kumpra.
E chines tin un par di tempu ku e la sera i te hasta dia di awe e komersiante a keda ta paga e grupo e mesun prèis. Siman pasá Sra. Mistica Stefania a purba na yega na un akuerdo nobo ku e doño di Yolanda snèk pero enbano. E doño a keda para riba ku e prèis ku e ta paga ey (fl. 400,–) e no ta kambié siendo ku e benta si a subi. Esaki a pone ku Sra. Mistica a tuma e desishon di tuma un otro toká kaminda ku si nan lo a paga e prèis ku e grupo ta kobra (fl. 750,–) pa asina e por kubri ku tur gastu i pago na tokadónan.
E doño di Yolanda snèk no a keda kontentu i a surgi un diskushon ku a kaba kaminda e doño ta menasá Sra. Mistica di lo tuma pasonan huridiko kontra di e grupo. Riba e inhustisia aki e doño a hasi algu mas repugnabel na momentu ku e la pidi un amigu di dje ku ta polis, un tal Michael, pa bai na e Yung Fe Bar Restaurant kaminda e grupo mester a toka djadumingu i ku masha mal airu a atende ku e doñonan. E polis a menasá e doñonan di para nan aktividat si Zojojo i su grupo mester bin toka eynan.
Sra. Mistica a tuma kontakto ku Sr. Zimmerman pero no sa ki medida lo a tuma ku e proseder inkorekto di e polis aki. Si ta un echo ku pa mal uso di poder a perhudiká tantu e grupo komo Yun Fe Bar Restaurant. Zojojo i su grupo ta lamentá pero esaki ta pone un fin na e tradishon di Yolanda Snèk. Den e afan pa sigui ku e tradishon di tur djarason Sra. Mistica ta hasiendo su esfuersonan pa por haña un otro lugá pa tene e aktividat aki bibu.
maxresdefault

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: