KOMUNIKADO DI PARTIDO MAN DI DIA 29 DI DESEMBER 2016 DIREKTIVA DI PARTIDO MAN DESPUES DI VARIOS RONDA DI EVALUASHON DEN SU SENO I KONSIDERANDO:

KOMUNIKADO DI PARTIDO MAN DI DIA 29 DI DESEMBER 2016
DIREKTIVA DI PARTIDO MAN DESPUES DI VARIOS RONDA DI EVALUASHON DEN SU SENO I KONSIDERANDO:
KU FRAKSHON DI MAN DEN STATEN A ENTREGA UN INITIATIVA DI LEY DIA 6 DI YUNI 2016 PA KAMBIA KIESREGLEMENT DEN TAL  SENTIDO KU E KANDIDATO (NAN) RIBA LISTA KU HAÑA MAS VOTO DURANTE ELEKSHON LO BINI NA REMARKE PA DRENTA PARLAMENTO PROME KU ESNAN KU MENOS VOTO EKSKLUIENDO ESNAN KU ALKANSA VOTONAN PREFERENSHAL;
KU KONGRESO DI PARTIDO MAN RIBA 11 DI Yüni 2016 A APROBA UN MOSHON PA DUNA MAS KONTENIDO NA DEMOKRASIA DOR DI RATIFIKA E LOKE FRAKSHON DI MAN A PROPONE  PA KAMBIA KIESREGLEMENT DEN TAL SENTIDO KU ESNAN KU TIN MAS SOSTEN I KU A AKUMULA MAS VOTO LO MESTER HANA DERECHO DI DRENTA PARLAMENTO DI KORSOU I REPRESENTA PUEBLO PROME; 
KU E INISIATIVA AKI NO A KRISTALISA PROME KU ELEKSHON PROGRAMA PA DIA 30 DI SEPTEMBER 2016 I APLASTA PA 5 DI OKTOBER 2016;
KU KANDIDATONAN RIBA LISTA DI MAN A APODERA DIREKTIVA PA NA NAN NOMBER INFORMA KONSEHO SUPREMO ELEKTRORAL  KU NAN TA GRADISI PA E HONOR PA BINI NA REMARKE PA UN ASIENTO DEN KASO KU TIN KANDIDATO (NAN) KU TA DESPUES DI NAN I KU A RISIBI MAS VOTO KU NAN;
KU 6 DI OKTOBER 2016 RAAD VAN ADVIES A KONSEHA STATEN RIBA E INITIATIVA DI LEY DI MAN I TA BISA ENTRE OTRO KU;
KONFORME AANWIJZING 4, INSISO 1 AANWIJZINGEN VOOR DE REGELGEVING (Awr), SOLAMENTE POR DISIDI PA DESIGNA REGLANAN NOBO ORA ESEI TA NESESARIO, I KU E NESESIDAT DEN E KASO AKI NO A KEDA PROBA;

KONFORME AANWIJZING 5 (Awr) UN POSIBEL KAMBIO DI KIESREGLEMENT LO MESTER TA BASA RIBA UN INVESTIGASHON PROFUNDO;

KU E KIESREGLEMENT AKTUAL A KEDA INTERNALISA DOR DI PUEBLO I AKSEPTA KOMO DEMOKRATIKO;

KU PA KUALKIER KAMBIO DEN KIESREGLEMENT LO MESTER DI INFORMA PUEBLO DEBIDAMENTE.
KU E RESULTADO DI ELEKSHON A DUNA PARTIDO MAN E ASIGNATURA PA FORMA GOBERNASHON I E KANDIDATONAN RIBA LISTA DI MAN KU TIN MAS VOTO TA FORMA PARTI DI E GOBIERNU ENKABESA PA SR. KOEIMAN I ASINA AKI TA LAGA PUEBLO SU BOS GOBERNA;

KU PARTIDO MAN TA KERE KU DEN KASONAN KU TA REINA DUDA DEN APLIKASHON I INTERPRETASHON DI UN PROSEDURA, MESTER HASI KOS KORREKTO I SEMPER RESPETANDO REGLA I LEYNAN;
DIREKTIVA DI PARTIDO MAN TA DISIDI:

1. pa laga hasi un investigashon profundo di e nesesidat pa kambia Kiesreglement di tal forma ku esnan ku ta haña mas voto ta bin na remarke pa opta pa drenta den Parlamento promé;
2. pa apliká Kiesreglement manera e ta aktualmente i sigui e sekuensia di kandidatonan riba lista pa bira miembro di Staten 2016-2020.
3. pa no hasi uso di e apoderashon di e kandidatonan riba lista di MAN pa e ultimo elekshon pa Parlamento di Korsou pa gradisí pa e asiento ora nan bin na remarke pa esaki i ku tin kandidato ku ta bin despues di nan ku a akumulá mas voto ku nan;

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: