NOTISIA DI POLIS ARUBA 2 YANUARI 2017


Sèn Falsu
C.P.a dirigí patruya na Superfood pa un kaso di sèn falsu.
Na e sitio polis a bin papia ku e señora G, trahadó na Superfood.
El a duna polis un biyete di $100,  ku lo tabata falsu, numerá: DC 35615387A C2.
E turista di nómber G, s deklará na polis ku e no tabata sa ku e sèn ta falsu.
E ta sigui bisa ku el a kambia tur sèn ku el a bin kun’é pa fakansi riba Aruba, na banko.
El a keda un poko sorprendí.
E biyete a wòrdu tumá den beslag.
A pone WCDT i CP na altura dje kaso.
=======================
      Molèster ku vürwèrk
C.P. a dirigí patruya na un kas na Sab. Bas numerá 119-E, kaminda un grupo di hoben baldadi tabata tira vürwèrk den kurá di e kas ya menshoná.
Na e sitio, polis a papia ku e señora di nòmber G.G., kende a deklará ku un grupo tabata tira vürwèrk den su kurá.
El a señalá polis un grupo ku tabata sintá na kas di e señora H.
Ora nan a mira patruya di polis, nan a plama paña bai.
Polis a papia ku e señora H i su yu muhé D.H.
D.H. a deklará ku enbèrdat el a tira algun vürwèrk den kurá di G. I esaki pasobra e yu hòmber di G, lo a tira vürwèrk riba nan promé.
El a priminti di no hasi esaki mas.
En konekshon ku e deklarashon di D.H., polis a bolbe dirigí nan mes na e kas Sab. Bas number 119-E.
Aya nan a splika e señora G, kiko D.H. a deklará na polis
E señora a bira ònbeskòp dilanti di polis, a manda polisnan den nan múr i bisa ku nan tabata tuma parti pa e famia H.
A pone un trankilidat temporalmente.
Por spera mas problema.
A pone C.P. na altura di e kaso..
fb_img_1478115187182.jpg

Advertisements