SESHON OBLIGATORIO DIANAN 19 I 20 DI YANÜARI PA TUR DOÑO DI PÈRMIT PA BENTA DURANTE AKTIVIDATNAN DI KARNAVAL I SEU 2017

GOBIERNU DI KORSOU 2682016

SESHON OBLIGATORIO DIANAN 19 I 20 DI YANÜARI PA TUR DOÑO DI PÈRMIT PA BENTA DURANTE AKTIVIDATNAN DI KARNAVAL I SEU 2017

Willemstad – Departamento di Higiena Tékniko i Kontròl (THZ) di Ministerio di Salubridat, Medio Ambiente i Naturalesa tin e tarea di garantisá nivel i kalidat di preparashon i bendementu di kuminda i bebida na públiko, ta organisá dos seshon informativo dianan 19 i 20 di yanüari 2017 obligatorio pa tur doño di pèrmit. Tur persona ku a hasi kaba òf ke bai hasi petishon pa un pèrmit pa bende kuminda i bebida ku públiko durante aktividatnan i marchanan di Karnaval i Seú mester partisipá. Esaki konforme e ordenansa di lei di Warenlandsverordening 1997, number 334, artíkulo 9, insiso 2.

E seshonnan ta na Papiamentu i ta tuma lugá na Asuntunan di Salubridat Públiko (UO G&Gz) na Piscaderaweg 49, Mundu Nobo. Inskripshon ta habri djaluna dia 9 i ta sera djamars dia 17 di yanüari 2017. Pa inskribí mester yama number di telefòn 432 2867 òf 432 2800 i marka ekstenshon 867. Por hasi esaki di djaluna pa djabièrnè parti di mainta di 8’or pa 12’or òf parti atardi di 1:30 pa 4’or.

Por skohe un di e dos fechanan disponibel. E seshonnan obligatorio ta djaweps dia 19 di yanüari di 2’or pa 4’or di atardi òf djabièrnè dia 20 di yanüari di 9’or pa 11’or di mainta. Mester ta presente mei ora promé pa verifiká inskripshon na e seshonnan.
Temanan ku lo trata ta entre otro higiena di kuminda, higiena personal, importansia di uso di awa, kon ta stiwá i transportá kos di komé i bebé di forma adekuá, reglanan di stènt i vários punto mas di atenshon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: