PTH a laga kita bòrchi pa motibu di imagen indesente

Willemstad – Projectteam Toezicht i Handhaving (PTH) a laga kita un bòrchi pegá den un stelazje riba kual tabatin un imagen indesente.

Riba e bòrchi tabatin pinturanan di órganonan seksual maskulino. Ekspreshonnan di e índole aki ta kontra artíkulo 2:194 di Kódigo Penal, den kua ta stipulá ku ta kastigabel pa eksponé na manera públiko imágennan ku ta ofensivo pa públiko. Ademas, e bòrchi tabata kontra di e maneho di bòrchi di propaganda vigente di VVRP.

E persona ku tin e pèrmit di prekario a wòrdú informá tokante e violashon. A konsekuensia di esaki, e bòrchi a wòrdú kitá.

PTH ta enfatisá ku ora di instalá ekspreshonnan kreativo, mester tene kuenta semper ku lei- i regulashonnan vigente, asina tambe ku normanan di òrden públiko i desensia.