Informashon tokante dispensashon pa Taksi

Willemstad – Servisio pa Tráfiko i Transporte (UOVV) ta duna mas informashon tokante dispensashon temporal pa taksi.

Informashon general:

– E dispensashon no ta ligá na un pèrmit di taksi.

– ⁠Na momentu ku un persona risibí un dispensashon, esei no nofiká ku ta otorgá un derecho outomatikamente na e persona ku tin pèrmit di taksi.

– ⁠Ta pèrmití solamente pa e persona envolví aktuá komo shòfùr den kuadro di un dispensashon di taksi bálido.

– E persona ku risibí un dispensashon, no por usa su dispensashon pa aktuá komo shòfùr ousiliar pa un persona ku tin e pèrmit di taksi.

– ⁠No por aktuá simultáneamente komo shòfùr ousiliar pa un persona ku tin un pèrmit, i ku un dispensashon ministerial.

– E persona ku risibí un dispensashon temporal tin e mesun derecho,- i debernan ku un persona ku tin un pèrmit. Tin eksepshon esta ku esun ku tin e dispensashon no por hasi uzo di un shòfúr ousiliar.

– E vehíkulo semper mester ta e vehíkulo ku ta pone den e dekreto ministerial. No tin mag di kambia di vehíkulo sin hasi un petishon na ofisina di UOVV.

Supervishon i kòntròl:

– Durante e periodo di balides di e dispensashon, lo tin supervishon i kòntròl aktivo.

– Den kaso di violashon di e kondishonnan imponé, minister por retirá e dispensashon atraves di un desishon ministerial.

Pa kualke pregunta òf informashon por manda nos un whatsapp na +59995278244.

Pa petishon, por bishitá e website http://www.vvrp.cw.

Pa keho por uso di e portal di keho riba e website http://www.vvrp.cw.