Konferensha pa mama ku yu “Let’s Talk” !!!

letstalk-about-womanhood

Konferensha pa mama ku yu “Let’s Talk” !!!

Let’s talk ta un aktividat ku Fundashon Bos di Hubentut ta organisá.
E meta di e aktividat aki ta pa stimulá komunikashon entre e mayor ku su yu.
Dia 14 di yanüari lo bai tin e promé konferensha. Na e konferensha aki nos ta bai enfoká e komunikashon entre e mama i e yu muhé ( e por ta entre un tanchi ku subrina tambe). E lo tuma lugá na Renaissance den Atrium di 12 or di mèrdia pa 19:00.
Lo bai tin diferente orador ku lo bai papia tokante nan eksperiensia i tin ku lo duna nan testimonio.
Nos tin un señora ku lo bai konta historia di su bida ku lo bai sirbi pa tur hende muhé por saka siansa for di djé. Speshalmente momentunan ku el a hasi mal eskoho ku a dun’é algun mal eksperiensia den bida. Su historia por sirbi pa personanan por komprondé kon fásil hende por huzga un otro sin konosé e persona realmente.
Un otro persona lo konta kon difísil tabata komo mama pa dera su yu muhé. For di e historia aki tambe lo bai tin lèsnan balioso ku tantu mamanan ku yunan lo por siña hopi for di dje.
Un hóben lo bai konta kon difisil tabata pa papia ku su mayornan tokante su preferensia seksual
Lo hasi uzo di vidionan kòrtiku ku despues den gruponan di 10 lo bai papia tokante algun punto ku lo bai saka for di e vidionan aki.
Lo bai tin diferente artista, manera Aemy Feliz, Veanira Reed, Harlianne Silvanie i Ludsela Sambo (ku ta bai estrená un tambú ku ta su propio komposishon), ku lo bai entretené tur presente amenamente.
E cherry riba e bolo lo ta un deurprijs pa mama ku yu pa sigui stimulá e komunikashon i e relashon.
Entrada pa e aktividat aki ta solamente 12,50 pa persona. Nos por mantené e preis asina abou dor ku e aktividat aki a wòrdu di spònser .
Un danki ta bai na Samenwerkende Fondsen, ACU, Johannes Bosco, MCB, Kas di Beibel, Insel Air, Perla del Mar, Renaissance, Starbucks , Cinema’s/ Movies Hilton Hotel, ku di un of otro forma a koperá pa e aktividat aki tuma lugá,.
E karchinan ta optenibel na Mensings Kaminada i na Fundashon Bos di Hubentut.
Pa mas informashon por bèl na Fundashon Bos di Hubentut na 4622442 òf 4618103.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: