Pa presentashon na Ulanda den luna di aprel proksimo: THE FRE BV I SUPER KARIMBO A FIRMA AKUERDO

Pa presentashon na Ulanda den luna di aprel proksimo: THE FRE BV I SUPER KARIMBO A FIRMA AKUERDO

WILLEMSTAD — Djarason 11 yanüari 2017, e konosido banda musikal Super Karimbo a finalisá e deliberashonnan ku “The Fre B.V.” representá pa sr. Freddy Martina, te ku nan a yega na firmamentu di un kòntrakt pa 3 presentashon di hopi importansha den luna di aprel próksimo na Ulanda, huntu ku Arnell i su Orkesta.

Señor Freddy Martina ta un promotor di hopi peso di eventonan hopi grandi den pasado na Europa, ku artistanan grandi i konosí.

E kontrakt aki ta un gran logro pa Super Karimbo, ku, bou di direkshon musikal di e gran basista Papi Susanna ta demonstrando di ta un banda ku kalidat.

E kontakto ku sr. Martina a resultá posibel, danki na intermediashon den pasado, di señor Eddy (Salsa) Alberto ku tabata “roadmanager i kongero pa super Karimbo. Despues ku e último aki a sali fo’i dje banda, Super Karimbo a nombra un tim, konsistiendo di Axel Concencion i Norman Kooks, huntu ku Wini Poulo komo konsehero.

Nan a sigui ku e deliberashonnan hopi habrí i profeshonal ku señor Martina, loke finalmente a resultá den firmamentu di e kòntrakt, djarason 11 yanüari 2017 na The Cheesery den Riffort.

Komo ku ta e èks-“roadmanager”señor Eddy (Salsa) Alberto a inisiá e proseso, e tambe tabata presente na e akto memorabel aki.

Super Karimbo ta gradisí señor Eddy (Salsa) Alberto pa su intervenshon den pasado i ta desea ku e lo tin tur klase di éksito den su futuro aktividatnan.

Por spera pronto mas informashon di Super Karimbo, ya ku nan ta den deliberashon ku posibel personanan, interesá pa yuda promové e banda.

Entretantu e personanan di kontakto ta Axel Concencion (524-2233), Norman Kooks (511-7584) i Giovanni Atalita (510-3227).

Atentamente

Na nomber di Super Karimbo

Potret: Aki riba e foto por mira d.r.p. Sr. Axel Concencion, Sr. Norman Kooks, Sr. Freddy Martina i Sr. Giovanni Atalita despues di firmamentu di kontrakt.
img-20170112-wa0001

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: