Risibí un kordial saludo di parti di Fundashon Karnaval Banda Bou

Risibí un kordial saludo di parti di Fundashon Karnaval Banda Bou

 

Motibu di e komunikado aki ta pa informá boso di un kambio chikí ku a tuma lugá en konekshon ku Apertura di Karnaval di Banda Bou.

Nos a analisá henter e situashon mas profundo ku Kuerpo Polisial pa loke ta trata e parti di seguridat teniendo na kuenta e sitio ku nos a skohe pa e apertura di Karnaval di Banda Bou.

Mirando e reakshon grandi ku nos a risibí di parti di pueblo di Kòrsou pa ku e aktividat aki na e momento nan aki ta bira sumamente difísil pa por garantisá e seguridat di un i tur na e sitio ku anteriormente kaminda nos ker a hasi e aktividat aki.

Esei ta pone ku nos a tuma e desishon komo organisashon responsabel ku nos ta move for di Playa Kenepa i bai pa Parke Himno i Bandera na Barber kaminda nos ta bai krea un ambiente pa asina nos por disfrutá di e gran apertura di Karnaval 2020

E programa lo keda e mesun kos i nos lo terminá pa 9’or di anochi.

Nos ta apresiá si boso lo por pasa esaki pa nos pa pueblo di Kòrsou ku ta Bon Bini djadumingu 12 yanüari for di 12’or di mèrdia na Parke Himno i Bandera na Barber.

 

Programma Apertura Karnaval Banda Abou 2020

 

12:00 – Bendementu di kuminda

 

13:00- 16:00 Wega di domino & Bon Ku ne

 

16:00 – 17:00 Presentashon grupo Oriri

 

17:00- 17:30 Presentashon Brass Revolution

 

17:30- 18:00 Apertura Ofisial

  • Palabra Presidente Fundashon JAG
  • Palabra Presidente Fundashon Karnaval Banda Abou
  • Palabra Direktor Sektor Enseñansa Sciensia Kultura i Deporte
  • Palabra Minister Sra Alcala – Walle

 

18:00- 19:00 Presentashon Banda Excellence

Presentashon Rei Tumba Dibo Doran

 

Na final di e parti ofisial lo duna rekonosmentu tambe na nos Baluarte Sr Rudwin Mogen 

This site uses Akismet to reduce spam. Learn how your comment data is processed.

error: Content is protected !!
%d bloggers like this: