Orashon djadumingu 15 di yanüari 2017

Orashon djadumingu 15 di yanüari 2017

E dia siguiente Huan a mira Hesus ta bini serka dje. El a bisa: ‘Ata e Lamchi di Dios, ku ta kita piká di mundu! Ta di e hòmber akí mi a papia ora mi a bisa: “Despues di mi ta bini un ku ta mas importante ku mi, pasobra E tabata eksistí promé ku mi.” Ami tampoko no tabata sa ta ken l’E por tabata, ma mi a bin batisá hende ku awa pa laga pueblo di Israel mira ken E ta.’ Huan a duna siguiente testimonio: ‘Mi a mira Spiritu Santu baha manera un palomba riba djE for di shelu i el a keda riba djE! Ami tampoko no tabata sa ta ken E ta, ma Esun ku a manda mi batisá ku awa, a bisa mi: “Lo bo mira Spiritu Santu baha riba un hende i keda riba djE; e hòmber ei ta esun ku lo batisá hende ku Spiritu Santu.” Anto ami, ku a mira loke a sosodé, ta testiguá ku t’É ta e Yu di Dios!’
Huan 1:29‭-‬34