Prome Minister Evelyn Wever-Croes: MINISTER KNOPS TA NA ARUBA Y LO REUNI CU PREMIER WEVER-CROES

Prome Minister Evelyn Wever-Croes:

 

MINISTER KNOPS TA NA ARUBA Y LO REUNI CU PREMIER WEVER-CROES

 

Minister Knops ta bishitando Aruba prome cu e sigui pa Corsou pa e ‘Justitieel Vier Landen Overleg’ (JVO) cu ministernan di husticia di Aruba, Corsou, Sint Maarten y Hulanda. 

Na Aruba, Minister Knops lo reuni cu Gobernador señor Alfonso Boekhoudt y cu Premier Evelyn Wever-Croes. Ademas e lo haci algun bishita na varios instancia riba nos isla. E lo clausura su bishita cu un conferencia di prensa. 

 

Riba agenda cu Premier tin varios punto importante, entre otro e situacion financiero y e crisis di Venezuela. 

Aruba pa prome biaha a cera un aña cu un deficit di 0.1% di GDP cumpliendo cu e norma di personal pa 2019. Tambe den 2019 e debe a baha te na 75%. E indicadornan aki ta demostra cu e maneho financiero prudente y serio di Gabinete Wever-Croes ta dunando resultado, apesar di e reto grandi di crisis Venezuela y su impacto na Aruba. 

No a yega ainda caminda cu mester ta, y ainda tin puntonan di prepcupacion, pero Aruba ta riba e bon caminda pa finansas publico saludable, pa prome biaha den hopi tempo.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: