Curaçao Baseball Week 2020 tabata unu hopi ekitoso. Mas ku 950 mucha a partisipá durante e 3 dianan di klínika.
Curaçao Baseball Week 2020 tabata unu hopi ekitoso.
Mas ku 950 mucha a partisipá durante e 3 dianan di klínika.
Willemstad 10 yanüari 2020– Siman pasá Kòrsou por a disfrutá di nos streanan den mundo di beisbòl huntu ku nos futuro peloteronan profeshonal riba vèlt na Tio Daou Ballpark. E aña aki atrobe klínikanan di Curaçao Baseball Week tabata unu hopi eksitoso danki na tur nos peloteronan ku tabata tei manera; Andrelton Simmons, Kenley Jansen, Didi Gregorius, Ozzie Albies, Jonathan Schoop, Sharlon Schoop, Jurickson Profar, Shairon Martis, JC Sulbaran, Kevin Josephina, Calten Daal, Yurrendel De Caster, Hendrik Clementina, Dudley Leonora i Shakir Albert.
Mas ku 950 mucha a partisipá durante e tres dianan di klínika di Curaçao Baseball Week i a disfrutá hungando “Playball” ku ta un programa di MLB, huntu ku nan ídolonan di beisbòl.
Pa medio di aporte di spònsor nan, Curaçao Baseball Week por a regalá e muchanan i teamnan hopi material pa asina nan por sigui praktiká nan deporte faborito. Hopi mucha a bai kas felis di por a kompartí vèlt i haña “coaching” di nan ídolonannan di beisbòl. Apesar ku a duna klínika gratis na e mucha nan, tambe a duna klínika gratis na “coach” nan di beisbòl.
E 70 “coach” nan ku a partisipá a haña dos dia di klínika di e siguiente “coach” nan; Hensley Meulens, Mike Butcher, Ben Thijssen, Eugene Kingsale, Sharnol Adriana, Jose Aguacil, Hainley Stacie I Calvin Maduro no tabata por a tei pa motibu di compromisio di trabou.
Apesar di nos mes streanan di beisbòl, “Hall of Famer” Iván ‘Pudge’ Rodríguez I su kasá tambe a bishitá nos dushi isla kòrsou i a partisipá na e torneo di Golf di Curaçao Baseball Week. Huntu ku Hensley Meulens Sr. Ivan “ Pudge” Rodtiguez a firma tambe e buki “Grassroots Baseball” ku ta un buki ku a wordu traha door di photographo Jean Fruith tokante di Baseball ront mundo ku potrait nan hopi bunita. I klaro ku Korsou tambe ta aprese den e buki.
Kòrsou a haña hopi promoshon den e siman aki ya komo ku MLB a sostené e evento aki i a bini direktamente for di New York pa hasi un filmashon di Ozzie Albies durante ku e ta duna klínika di Curaçao Baseball Week. Tambe MLB a entrevistá dos di nos “big leaguer” nan Kenley Jansen i Didi Gregorious durante nan partisipashon na Curaçao Baseball Week.
MLB ta e “#1 ranking TV Channel” di Merka dediká na “Baseball” ku por lo menos 2 mion “viewers.”
Ademas di MLB Network, e “big leaguers” nan a wòrdu entrevistá pa Nexos, e revista di American Airlines pa Latino America tambe.
E aña aki, Curaçao Baseball Week a trese por lo menos 25 invitado for di Merka ku por a disfrutá no solamente di Kòrsou su “Baseball” pero tambe di otro evenemento manera Fuikdag i Tabula Rasa ku a tuma lugá durante e dianan ei.
Curaçao Baseball Week Foundation su meta ta pa duna klínika gratis na muchanan den beisbòl i rekoudá fondo pa por sigui yuda kresementu di beisbòl di korsou.
CBW Foundation guiá pa Hensley Meulens i su team ke yama danki na su spònsornan i ta spera ku otro aña nan por hasi CBW aún mas grandi.
Otro aña Curaçao Baseball Week lo ta di 1- 6 di yanüari 2021.
Ku e torneo di golf día 2 yanüari i e promé día di klínika lo ta 4 di yanüari 2021. Bishitá nos wèpsait curacaobasbeballweek.com pa mas informashon.
