Embahador di Suisa Urs Breitner a bishita minister Yrausquin

Embahador di Suisa Urs Breitner a bishita minister Yrausquin

Den Haag – Minister Plenipotenciario Juan David Yrausquin a ricibi recientemente bishita di embahador di Suisa na Hulanda Urs Breitner.

E razon di bishita di embahador Breitner ta pa informa minister Yrausquin riba e susesor di e actual consul honorario pa Suisa na Curaçao, Mike Koch.

Tambe Minister Yrausquin y embahador Breitner a intercambia idea riba topiconan di interes mutuo entre Aruba y Suisa.