KOMUNIKADO DI KUERPO POLISIAL KÒRSOU Título: tiramentu ku morto

header-notisia-di-polis

KOMUNIKADO DI KUERPO POLISIAL KÒRSOU
017 / 2017
19 yanüari 2017
Título: tiramentu ku morto
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 19 di yanüari 2017, alrededor di 02.35 or, Sentral di polis a dirigí un patruya na Lindberghweg, despues di a risibí informashon ku deskonosínan den un vehíkulo mester a los vários tiru dirigí riba un hòmber. E patruya ku a yega na e sitio a topa ku e hòmber víktima ku vários herida di bala rònt di su kurpa ku no tabata duna señal di bida. For di un investigashon preliminar ku polis a realisá na e sitio a resultá, ku e víktima tabata para huntu ku mas persona ta kombersá. Diripiente vários suheto den un outo shinishi a kore yega i basha bala dirigí riba e víktima. Durante di e tiroteo aki un otro persona ku tabata huntu ku e víktima a risibí herida di bala na su brasa drechi. Presentenan a hiba e hòmber víktima K.G.R. di 19 aña di edat pa poliklínika di SEHOS pa tratamentu médiko. Un vehíkulo ku tabata para den e serkania tambe a haña dos perforashon di bala. Dòkter di polis a konstatá morto di e hòmber Edrich Kopra nasé na Kòrsou dia 26 di sèptèmber 1991 i riba òrdu di fiskal di Ministerio Públiko a konfiská e kurpa pa mas investigashon. Polis a konfiská tantu e vehíkulo di e víktima komo esun ku a haña perforashon di bala pa mas investigashon. Kontinuando ku e investigashon, riba kaminda pa rotònde Zegu direkshon pa aeropuerto tabatin un SUV na kandela paresido na esun ku tabata envolví den e tiroteo, polis a konfiská e fròt pa mas investigashon. E investigashon den e kaso aki ta kontinuá.

15622341_382764525406804_5193177423320373090_n

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: