AMAK TA FELISITÁ TUR MÚSIKO RIBA DIA DI SANTA CECILIA
AMAK TA FELISITÁ TUR MÚSIKO RIBA DIA DI SANTA CECILIA
Willemstad – Riba 22 di november, dia di Santa Cecilia, patrono di músikonan, direktiva di AMAK ta felisitá tur su miembronan músiko i artista, i henter komunidat musikal di Kòrsou.
Santa Cecilia ta ser konsiderá komo patrono di músika i músikonan. Pa AMAK, e dia aki ta un momentu pa rekonosé i balorá e talento, dedikashon i kontribushon di músikonan na kultura, identidat i bida sosial di nos isla.
Direktiva di AMAK ta ekspresá su gratitut na tur músiko i artista ku ku nan trabou pa mantené nos patrimonio musikal bibu i ta duna pueblo di Kòrsou alegria, konsuelo i orguyo.
Den kuadro di Dia di Músiko, AMAK ta organisá un selebrashon ku ta kulminá ku e evento di premiashon Edgar Supriano I pa esaki ta manda rekordá un I tur riba e selebrashon di dia di músiko ku lo tuma lugá djamars awor, 24 di novèmber 2026, di 7’or pa 10’or di anochi (19:00 – 22:00) den ouditorio di WTC.
Durante e anochi aki lo selebrá Dia di Músiko i lo honra i rekonosé músikonan ku a destaká den e mundu musikal.
Direktiva di AMAK ta invitá tur su miembronan, músikonan, artistanan i amantenan di músika pa ta presente na e selebrashon aki.
Direktiva di AMAK ta deseá tur músiko un felis Dia di Santa Cecilia i un felis Dia di Músiko.
Na nòmber di direktiva di AMAK,
Angelo Virginie

