KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

sra. Marilyn Alcalá-Wallé- petishon Komishon Sentral tokante Servisio di Ambulans. Inbox x

Na Presidente di Parlamento di Kòrsou
Sra. Giselle McWilliam
Wilhelminaplein
Presente.

Willemstad, 19 yanüari 2017.

Tópiko: petishon pa reunion Komishon Sentral tokante Servisio di ambulans.

Apresiabel Presidente,

Resientemente Kontrolaria General a entregá e rapòrt tokante su investigashon en kuanto Fundashon Kuido di ambulans (FKA) durante e periodo di 2011-2014.

E intenshon di e fundashon menshoná tabata pa ofresé servisio di ambulans riba un base temporal, wardando riba un struktura duradero den un organisashon nobo. Den realidat FKA ta funshonando te ainda, miéntras no tin un fundashon nobo operashonal.
E situashon aktual konosé diferente defisiensia i desviashon di e normanan statutario, omishon legal den sentido ku no tin pèrmit pa duna servisio di ambulans, défisit den atministrashon finansiero, falta di komunikashon, falta di personal i personal kapasitá, defisiensia di organisashon pero prinsipalmente fayonan den e kuido di ambulans ku mester ofresé na komunidat.

Den su rapòrt kontrolaria general ta duna diferente rekomendashon pa mehora i optimalisá e situashon.

Tumando nota di e seriedat di e situashon frakshon di PAR den Parlamento ta solisitá Presidente di Parlamento ku urgensia pa yama un Komishon Sentral, invitando Minister di GMN pa elaborá riba e situashon di servisio di ambulans i duna Parlamento un bista kua ta e medidanan i plan di akshon ku ta bai tuma pa mehora e servisio na komunidat

Suskritonan ta keda pendiente,

Marilyn Alcalá-Wallé

Curtley Obispo

Stephen Walroud

Leave a Reply

This site uses Akismet to reduce spam. Learn how your comment data is processed.