SEHOS: NOS TA KUMINSA E SIMAN KU MENSAHE POSITIVO
Nos ta kuminsa e siman ku un mensahe positivo!
Siman pasa tur asistènt di poli interne/long a pone
Dr. Folkert Brijker den un lus positivo pa su introdukshon rápido, dinamismo i bon trabou pa tur loke e ta envolví den dje!
“Dr. Brijker ta un dòkter ku nos di poliklínika ta atmirá masha hopi. E no tin hopi tempu aki na Kòrsou pero mesora dr. Brijker a tuma su tempu i ta super motivá pa siña nos dushi idioma papiamentu.
E ta papia i komprondé papiamentu hopi bon i e ta sigui interesá pa siña tur dia kosnan nobo aserka. E ta un dòkter ku ta hasi su trabou na poliklínika ku hopi kariño i dedikashon pa tur pashènt i tur hende rondó di dje.”
