Komunikado Kuerpo Polisial Aruba 23 yanuari 2017

logo-polis-aruba-header-15-yan-2017.jpg

KIEBRO BOTIKA NOORD SUMMIER.
SCP a dirigí patruya na Botika Noord, kaminda un kaso di kiebro lo a tuma lugá.
Yegando na e sitio, polisnan a papia ku e hòmber L, kende a deklará ku deskonosínan, entre 20 yanüari 2017, alrededor di 16:30 i 23 yanüari 2017, alrededor di 07:50, lo a drenta via di e kaminda di tera, ku ta keda na parti nort di e kantor di Botika Noord, a destruí e bentana ku ta keda na parti nort di e edifisio, kòrta i fòrsa e hèkwèrk ku ún òf otro hèrmènt pa asina haña akseso den kantor.
Na e markanan di pia por a mira ku deskonosínan a dirigí nan mes dirèkt na e “file kast” di 4 kompartimentu.
Di e 4 kompartimentunan aki, e 2  nan parti meimei a wòrdu fòrsá.
Segun L, spesifikamente e 2kompartimentunan aki tabatin e ganashi di 1siman, esta AWG 12.000,-
A tuma e denunsia.
SCP i BFTO a wòrdu poné na altura di e kaso.
===
INFORMASHON
ADUSHONAL:
E bisiña, un señora, a deklará ku riba 23 yanüari 2017, pa banda di 03:00, el a skucha un sonido ku a bini di Botika i djis despues e alarma a aktivá.
Mas aleu el a deklará ku 2 dia promé, tabatin 2 hòmber den e pasiyo kaminda a komete e kiebro.
E hòmbernan tabata di entre 30 pa 40 aña di edat.
Unu tabata delegá i e otro tabata korpulento i ambos tabata bruin klá.
Unu tabatin un kamisa kòrá i e otro un kamisa blou.
E hòmbernan a  bisa ku nan lo tabatin ku realisá trabounan riba dak di Botika.
SCP a wòrdu poné na altura di e kaso.
Rechèrche Noord a presentá na e sitio i a tuma e investigashon ofer.
=======================
A presentá na warda di polis e hòmber di nòmber M., pa hasi denunsia di ladronisia pa medio di kiebro for di e outo di marka Toyota i modèl Yaris, kolor blanku.
El a deklará ku e outo ariba menshoná, ta di su mama.
E ta sigui bisa ku riba 23 di yanüari 2017, entre 04:00 i 05:00, el a stashoná e outo den e lugar pa stashoná di Linear Park, na altura di brantwer.
E ta bisa di a laga e outo intakto atras.
Pa banda di 06:00, e lo a regresá i a mira ku e bentana dilanti na banda robes, tabata destruí i ku nan a bai ku su telefòn di marka “Iphone” di modèl C5, kolor blou i tambe un  tas kolor shinishi di e marka Totto.
E ta bisa ku den e tas tabatin un kònteiner di plèstik, konteniendo gatorade.
SCP a wòrdu poné na altura di e kaso.
=======================
Un hòmber ta yama na warda di polis i ta informá ku un hòmber riba un skuter lo a hòrta tas di un turista.
Huntu ku e shòfùr, lo tabatin un mucha.
Ta trata di un skuter pretu.
E viktima lo tabata den laman.
Polisnan a komprondé for di e viktima ku tabata 2 pèrsona riba e skuter.
Tur 2 tabata hende kolor blanku.
Ta trata di un hòmber i un muhé.
E hòmber tabata kompletamente na pretu bistí.
A tuma denunsia.
Rechèrche a wòrdu poné na altura di e kaso.
=======================
Riba 22 yanüari 2017, pa banda di 18:00, a organisá polisnan riba baiskel pa supervisá un evenementu na Aruba entertainment centre.
Pero djis promé ku esaki, polisnan a hasi un kontròl den sentro di siudat.
Na altura di e lugá pa stashoná; kaminda antes tabata DWJZ, polisnan a topa ku un aglomerashon di hende.
Pèrsonanan tabata bebiendo bibida alkohóliko i hungando dominó  riba kaminda públiko i tambe tokando músika fo’i spikernan.
Mas aleu polisnan a konstatá ku tabatin benta di alkohòl i BBQ, riba e plenchi menshoná.
Na momentu ku e shèf di PBV a bai pa kontrolá, a resultá ku no  tabatin pèrmit pa tal aktividat.
Mas aleu a sali na klá ku ta “Ole tapas bar”, lo a organisá un fiesta.
A splika e organisadó  bon klá, kuá tabata e proseduranan i ku loke e tabata hasi ta prohibí.
A splik’é mas aleu ku e mester kita tur kos inmediatamente.
El a mustra komprenshon i a kuminsá ordená tur kos.
E kaso tin atenshon.
=======================
A dirigí patruya na Avenida Alo Tromp pa un pèrsona “nó deseá”.
Na e sitio polisnan a papia ku e habitante di e adrès ariba menshoná, kende a deklará ku el a yega kas for di trabou i a mira un hòmber pará na su porta di kurá.
E hòmber tabata purbando na habri e porta di kurá.
Mas aleu el a deklará ku e ora ey, el a bai pa papia ku e hòmber, pero e hòmber a kore bai for di e sitio.
Polisnan a kontrolá den bisendario, pero no a topa ku e hòmber.
E hòmber lo ta di un postura delegá i tabatin karson largu kolor blou bistí i un kamisa blanku.
=======================

icon-logo-di-polis-aruba-15-yan-2017.jpg

This site uses Akismet to reduce spam. Learn how your comment data is processed.

error: Content is protected !!
%d bloggers like this: