Raport di Asistensia Kuerpo Polisial Aruba KPA 24 yanüari 2017

ASISTENSIA
SCP a dirigí patruya na Alhambra Casino pa asistensia.
Na e sitio polisnan a papia ku e mènedjer di e departamentu di seguridat di e lokalidat menshoná.
El a deklará ku un huespet tabata hungando na un mashin.
Ora ku e huespet a bandoná e casino, e lo a laga un sakito di plèstik ku un puyru blanku den dj’e atras.
Nan a konfiská e sakito di plèstik.
Lo pone e sakito den un ènvelòp, na disposishon di departamentu UGC (Narkótika).
A pone SCP na altura di e kaso.
=======================
   PÈRSONA BURACHI.
SCP a dirigí patruya na e lugá pa stashoná outo di “Riu Antias”, pegá ku “Blossoms Restaurant”, kaminda lo tabatin un pèrsona burachi.
Na e sitio, polisnan a papia ku un vigilante di e hotèl menshoná, kende a deklará ku un turista merikano lo tabata burachi i tambe pèrdí.
Polisnan a papia ku e turista, e hòmber di nòmber H.
H a deklará ku e ta huespet di Divi Phoenix, i ku el a bai purba suerte den casino.
Polisnan a hiba H na bali di Divi Phoenix .
Eynan un trahadó di e hotèl a kontrolá nòmber di e huespet den kòmputer.
Polisnan a hiba H na su kamber.
A pone SCP na altura di e kaso.
=======================
                KIEBRO.
SCP a dirigí patruya na Hooiberg 51-I, pa un kaso di kiebro.
Na  e sitio, polisnan a topa ku e vigilante di SAFECOM Security, kende a deklará ku no por haña e estuche o portador di yabi.
Polisnn a kontrolá den e edifisio i a konstatá ku deskonosínan a destruí un bentana n’e parti ost di e edifisio i a drenta paden.
E pèrsonal di SAFECOM a keda na  e sitio.
Esun responsabel pa e yabinan lo pasa despues na ofisina pa hasi keho.
A pone SCP i CVD a wòrdu poné na altura di e kaso.
=======================
Riba djamars, 24 di yanüari 2017, alrededor di 05:50, patruya Oranjestad ku tabata na warda a mira 2 konosí pa polis den Hendrickstraat na altura di misa di Oranjestad.
Ta trata di e chòlernan konosí komo “Doff” i “Chico Gang”.
Nan tabata sintá na altura di e misa menshoná i tabata mustra sospechoso.
Tur dos tabatin tas riba nan lomba.
I polisnan a bai pa kontrolá nan.
Den e tas pretu di Chico Gang, polis a topa ku un skèr, spesial pa betòn di kual su man tabata pretu.
Polisnan a konfiská e skèr, mirando ku anteriormente durante un patruyahe, un otro  chòler a pone polisnan na altura ku Chico Gang i Doff tabata kana rònt i ku nan tabatin plan di kometé un kiebro.
Mas aleu, den e tas di Doff, polisnan no a topa ku nada sospechoso.
=======================
     CHÒLER MOLESTOSO.
SCP a dirigí patruya na Ponton, na altura di kas number 30, en konekshon ku chòler ku tabata molestiá.
Na e sitio polisnan a topa ku 5 chòler ku tabata sintá patras di e kas.
Polis a splika nan ku no por sinta eynan i a kore ku e chòlernan for di den bisendario.
SCP a wòrdu poné na altura di e situashon.
=======================
            LADRONISIA.
SCP a dirigí patruya na Bernhardstraat 297, pa un kaso di ladronisia.
Na e sitio, polisnan a papia ku e hòmber B, kende a deklará ku deskonosínan a bai ku su motorsaikel, kolor pretu/blanku, ku man di oro, di e marka Keeway, numerá MFA-377.
A tuma denunsia.
CP a wòrdu pone na altura di e kaso.
=======================