“ DURANTE JANUARI 2017…… CRIMINAL A DOMINA E SOCIEDAD DI ARUBA” !!

BENNY NISBET (PPA):
“ DURANTE JANUARI 2017…… CRIMINAL A DOMINA E SOCIEDAD DI ARUBA” !!

E luna di 2017 a inicia y termina cu un desaroyo lamentable esta cu criminal parce di a ejerce asina hopi ladronicia y atraco cu e impression serio tey ….cu e criminalnan aki a domina e sociedad di aruba. No ta algo cu PPA ta desea di expresa pero esaki ta e realidad y e sintimento profundo cu ta biba den nos sociedad na e momentonan aki.
Tur caminda den pueblo e topico mas discuti ta e intertidumbre cu ta reina den majoria hogar riba nos isla. E hecho cu nos no por biba cu un bentana of nos porta habri. E pensamento ….e preucupacion cerca majoria den nos pueblo cu na cualkier momento desconoci lo kana drenta y horta nos pertenencianan y abusa di nos famia.
Un sentimento cu nos pueblo no a conoce antes. Un sentimento cu por a desaroya solamente ora nos autoridad esta nos instancianan cu lo mester lucha contra criminalidad no ta funcionando manera debe ser y e hecho cu autoridad esta nos gobierno di Aruba y ministro di Justicia ta fayando den tur sentido di palabra y un parlamento cu tur respet cu parce di ta mas ‘drumi’ cu realmente ta defende interes di nos pueblo.
Esaki ta un senjal cla ora periodo di un gobernacion a jega su final hasta prome cu su termina finalisa. Esaki ta e senjal cu un pueblo mester reconoce ora e sentiment profundo ta drenta kada ser humano riba nos isla esta cu ta basta…..enough is enough mester cambia e gobernacion actual pa un cu si por ofrece un miho futuro …cu si por ofrece seguridad y lucha contra criminalidad.
Ta den e cuadra aki partido PPA ta preparando nos mes pa e proximo encuentro democratico cu nos lo tin durante e anja aki ora pueblo lo worde jama pa bai urna electoral. Pa e ultimo anjanan Aruba a conoce un mal gobernacion y un parlamento sumamente ‘zwak’. Esey ta e prome aspecto cu nos pueblo mester reconoce. Despues di reconoce esaki pueblo por bai evalua na kende pueblo por duna e confianza pa un miho gobernacion riba nos isla.
PPA ta preparando nos maneho riba tur tereno posibel pero nos lo accentua nos maneho riba tereno di Justicia unda nos tin e ‘conturanan di maneho pa lucha contra criminalidad’ ….conturanan cu tin espacio pa contribuiccion di nos comunidad. Kada persona kada instancia cu experiencia riba tereno di Justicia y e lucha contra criminalidad su ‘ideanan’ ta bonbini. Aruba no por accepta pa sigui biba cu miedo cu inseguridad ….cu criminalnan lo drenta cualkier ora.
Lo mester bin un maneho hopi fuerte !! Un maneho cu no ta larga luga pa duda !!
Lo mester bin un justicia fuerte pa cu e malhechornan aki. Aruba no por accepta e fenomeno cu criminalnan ta abusa di nos pueblo. Aruba no por accepta cu hopi ta kere cu nan por bin hasi y deshasi riba nos isla. Na mes momento Aruba no por accepta cu cualkier joven por scoge e caminda aki pa kana y abusa di otro…… Justicia cu man fuerte lo worde hiba y lo baha duro riba esnan cu trapa riba derecho di otro.

Aruba, 31 di januari 2017 Lider Politico di PPA
BENNY NISBET