KUERPO POLISIAL ARUBA RAPORT DI POLIS 1 FEB 2017

SCP a dirigí patruya na Tanki Leendert, unda e dama habitante di e kas, lo a gara un pèrsona ku tbt purba na drenta e bibienda.
Na e sitio, polisnn a papia ku e notifikante, e dama di nòmber K.
El a deklará ku riba djarason 1febrüari 2017, alrededor di 04:00, siendo anochi, su tata  a yega kas for di trabou i a kana rònt kas i pone tur kos na lòk.
Tur porta i bentana tabata intakto n’e momentu ey.
El a deklará ku e mainta ey, pa banda di 07:50, ainda e tabata drumí, ora ku el a tende un batimentu riba bentana di su kas.
Mas despues el a bai pa kontrolá ta kiko e sonido tabata.
El a bai den sala i a mira na parti robes di e kas, un hòmber ku mitar kurpa dor di bentana.
El a mira ku ya e hòmber tabatin un pia  p’aden purbando na drenta.
Tambe e dama a mira ku ya algun shùter di glas a wòrdu saká.
Ora e hòmber a mir’é, el a hui.
El a hui den direkshon wèst.
E dama a rekonosé e hòmber komo e chòler G.
E ta e chòler ku semper ta den bisendario di Tanki Leendert, kanando bai / bin i ta para hopi biá na pòmpstashòn na Tanki Leendert..
El a deklará ku G ta biba 2 òf 3 kas na nòrt di dj’e. I ku e kas ta di kolor ros.
A tuma denunsia.
Mirando ku e sospechoso ta konosí pa polis, komo J, a tuma kontakto ku piket OVJ.
A splika OVJ e kaso i OVJ a duna outorisashon pa detenshon.
DCJJ a wòrdu detené alrededor di 10:45, dor di un otro patruya.
=======================

CMK a dirigí patruya na Italiestraat pa un kaso di kiebro.
Na e sitio polisnan a papia ku e hòmber MI, kende a deklará ku deskonosínan a destruí e slòt di e porta di e depósito, ku ta keda na e parti ost di e edifisio i a drenta paden.
Mas aleu e ta sigui deklará ku deskonosínan a ranka e “sheettrok”  saka, i a drenta den un otro depósito.
E hürdó di e depósito kaminda deskonosínan a drenta, no tabatey.
Polisnan a bisa M, ku ta esun ku ta responsabel pa e depósito i e  artíkulonan, mes, mester hasi denunsia.
M a bisa polis ku lo e tuma kontakto ku e doño pa e por hasi denunsia.
=======================

SCP a dirigí patruya na Ranchostraat en konekshon ku un kaso di robo.
Tambe SCP a deklará ku e sospechoso lo tabata den bisendario di Ranchostraat1
E diskripshon di e sospechoso tabata ku e tin kolor di kueru bruin klá, un
t-shirt blanku i un karson kòrtiku pretu bistí.
Na yegada di polis na Ranchostraat 1, a mira un hòmber ku e mesun diskripshon ku e sentralista na warda a duna.
E hòmber tabata sintá na e parti nort di e muraya di e kas na Ranchostraat 1.
Polisnan a bai mesora pa para e hòmber.
Na su detenshon e mes a duna di konosé, ku el a hòrta un telefòn selular kolor di oro.
En konekshon ku tur loke a wòrdu menshoná; polis a detené G, konforme violashon di artíkulo 2:288 di e buki di lei di Aruba.
Ora tabata listrando e sospechoso, polis a puntra G si e tabatin e telefòn selular huntu kun’é.
G a bisa ku dirèkt despues ku el a hòrta e telefòn, el a bin Ranchostraat i purba bende e telefòn
Un hòmber deskonosí p’e a yega na Ranchostraat i puntr’é si e por mira e telefòn selular.
Ora ku G a duna e hòmber e telefòn, e hòmber a kore bai mesora ku e telefòn.

SCP, huntu ku Dar1 a wòrdu poné na altura di e kaso.
=======================