Miss Universe Curaçao Chanelle de Lau invitado spesial durante reunion di konseho di minister

Bishita di Miss Universe Curaçao Chanelle de Lau komo invitado spesial durante reunion di konseho di minister di djarason último.
Chanelle de Lau pa e okashon tabata kompañá pa su sra. mama i sra. Corinne Djaoen-Genaro.

Chanelle a konta di su ekpserensianan durante e tan kotisá evento Miss Universe kaminda el a hala hopi atenshon i hasi un tremendo propaganda pa nos pais Kòrsou.
Tur Minister a ekspresá nan gratitut na Chanelle pa un trabou di relashon públiko estupendo. Tambe a bisa Chanelle ku e no mester sinti niun ora ku e no a kumpli ku espektativa pero a kontribuí enormemente na lanta e orguyo serka kada miembro di nos komunidat. 

MInister President Hensley Koeiman a puntra Chanelle ki konseho e por a duna ministernan pa pone atenshon na dje, spesialmente den nan trabou pa stipulá maneho pa hubentut.
Alabes Minister Presidènt a puntra Chanelle kiko ta su plannan pa futuro i kiko ta otro metanan ku e ke realisá.
Por último a gradisí Chanelle su mama i sra. Djaoen – Genaro pa e tremendo sosten i guia na Chanelle.