Orashon djamars 14 di febrüari 2017

Orashon djamars 14 di febrüari 2017

E disipelnan a lubidá di trese pan i ta un pan so nan tabatin na bordo. Hesus a ordená nan: ‘Paga tinu! Tene kuidou ku e zürdeg di e fariseonan i e zürdeg di Heródes.’ Nan tabata papia ku otro tokante e situashon i bisa: ‘E ta bisa asina, pasobra nos no tin pan!’ Hesus ku a ripará esei a bisa nan: ‘Pakiko boso ta diskutí si boso tin pan òf no? Te ainda boso no ta komprondé? Spiritualmente boso ta siegu. Boso tin wowo, anto boso no ta mira? I orea, anto boso no ta tende? Boso no ta kòrda dia Mi a kibra e sinku pannan pa e sinku mil hendenan kuantu makutu boso a yena ku e pidanan ku a sobra?’ ‘Diesdos,’ e disipelnan a kontestá. ‘Ora Mi a kibra e shete pannan pa parti ku e kuater mil hendenan, kuantu makutu grandi boso a yena ku e pidanan sobrá?’ ‘Shete,’ nan a kontestá. ‘I te ainda boso no ta komprondé?’
Marko 8:14‭-‬21 

​