‘ENTRANTE FECHA 16 DI JANUARI 2017 MIN PRES MIKE EMAN(AVP) MESTER ENTREGA RETIRO DI SU ‘GOBIERNO/GANG’ NA GOBERNADOR !

BENNY NISBET (PPA)
‘ENTRANTE FECHA 16 DI JANUARI 2017 MIN PRES MIKE EMAN(AVP) MESTER ENTREGA RETIRO DI SU ‘GOBIERNO/GANG’ NA GOBERNADOR !’
Despues di a scucha un entrevista entre miembro di prensa sr. Tito Lacle di NoticiaCla y Ministro Arthur Dowers y e forma hopi cla cu miembro di prensa sra Mimi Rosel a presenta e entrevista aki na su emisora MI GUIA…..unda Ministro di Justicia mr Arthur Dowers a baha riba x Ministro Otmar Oduber na un forma hopi cla y raspa.
Sr x Ministro Otmar Oduber a worde jama pa un ministro cu ta coopera pa financia actividadnan e.o. e Electric activity cu tabatatin na unda segun ministro di Justicia hopi droga ta worde pasa y hasta el a declara cu nan a para pafor pa confisca e droga aki…..bisando hopi cla cu e x Ministro Otmar Oduber lo a participa den e proceso aki.
Sr x ministro Otmar Oduber a worde jama pa un ministro cu ta duna juventud placa pa nan por bebe durante e fiestanan pa despues nan droga y despuest sali na estado.
Cu e declaracion aki ministro di Justicia a indica cu hopi di nos juventud cu ta atende na e evento ‘electrico’ aki lo ta participante den ‘droga’ Kiko nos majornan ta pensa di esaki ? Kiko nos juventud ta pensa di e declaracion aki di Ministro di Justicia mr. Arthur Dowers.
Eigenlijk e declaracion aki ta ensera cu ministro di Justicia sr. Arthur Dowers a hasi su mes participante den henter e proceso aki pasobra anjas largo E y henter su gobierno Eman lo a permiti esaki pa tuma lugar.
Pueblo a guli manda abao masha hopi mes di gabinete Mike Eman !! Pero esaki si ta ‘span de kroon’. Esaki NO ta acceptable !!
PPA ta demanda di nos Ministro Presidente Mike Eman pa entrante awe, 16 di januari 2017 entrega retiro di henter su gobierno cu awo a keda hopi cla cu ta NARCO COMPLASCIENTE y NARCO PARTICPANTE………!! Entrega retiro di bo gobierno cu su nivel a baha di ta nada mas cu un ‘gang’ un grupo di abusador di nos pueblo….un grupo di abusador di nos juventud!!

PPA ta keda pendiente e decision cu abo den bo curazon sa cu bo mester tuma …..boso momento despues di siete anja di abusa di pueblo a jega……’ THE SHOW HAS REACHED IT’S END’ y e tabata un ‘show’ tristo y abusador. Bai cu bo ‘gang’ pa kaba……!!

Aruba, 16 di februari 2017 Lider di PPA
BENNY NISBET

This site uses Akismet to reduce spam. Learn how your comment data is processed.

error: Content is protected !!
%d bloggers like this: