Rekomendashonnan di Asuntunan di Salubridat Públiko (UO G&Gz ántes GGD) pa kompra i konsumo di alimento durante temporada di Karnaval

cw-gezondheid-logo-ktp

Rekomendashonnan di Asuntunan di Salubridat Públiko (UO G&Gz ántes GGD) pa kompra i konsumo di alimento durante temporada di Karnaval


GOSA DI UN KARNAVAL SANO PERO KÒRDA KU ‘E SALÚ’ TA ‘BO SALÚ’

Willemstad – Durante Karnaval hopi hende ta bai kumpra, prepará i konsumí alimento (bebida i kuminda) durante di aktividatnan. Manera tur aña ta bai tin kontròl di diferente instansia pa garantisá mas tantu posibel ku tur alimento ta saludabel. Esun primeramente resposabel pa BO SALÚ ta ABO mes i abo ta esun ku por evitá konsumo di alimento dañiño.
Ta hopi importante pa e públiko sa kiko e tin ku tene kuenta kuné ora, na momentu ku tin ku prepará óf kumpra alimento. Aki ta sigui algun rekomendashon pa bo por yuda bo mes hasi mihó eskoho durante e temporada di Karnaval.

ORA DI PREPARA BO MES ALIMENTO
– Sòru pa kumpra produktonan di bon kalidat; evitá ofertanan ”to good to be true”
– Hiba produktonan kas mas prónto posibel despues di kumpranan.
– Warda produktonan friu den e frialdat apropiá te ora di uso.
– Prepará produktonan den ambiente higiéniko mas rápido posibel preferiblemente warda nan den friu i/òf komsumi nan mes ora.
– Tene kumindanan separá kaminda ta posibel, espesialmente esnan kushiná for di esnan ku ta kurú.
– Transportá alimentu den konteinernan apropiá i higiéniko (p.e. kosnan frieu den djùg ku eis).
– Atendé ku alimento na un manera higiéniko i den un ambiente limpi ora bo ta kantu di kaminda durante marchanan.
– Evitá ku stòf, muska i otro kosnan ageno por bin den kontakto ku e alimento.
– Prepará e alimento pa konsumo mas serka di e momentu di konsumo.
– Usa ekiponan limpi ora ta prepará i sirbí alimento.

ORA KU TA BAI KUMPRA NA STÈNT
– Hasi uso di bo sentidonan ora bo ta kumpra alimento (wak, skucha, hole, fula i purba).
– Wak pa bo kuminda kayente ta kayente i loke mester ta friu, ta friu.
– Si tin ku reklamá algu hasi esaki na un manera desente i korekto.
– Wak aspekto dje stènt kon e ta konstruí. Atenshon pa detaye i e ambiente higiéniko.
– Wak aspekto dje hendenan ku ta traha den e stènt ( presentashon, kèp pa kabei, uñanan èts).
– Mira kon e personanan den e stènt ta atendé ku e alimento.
– Si bo tin duda, evitá di kumpra na e stènt. Tin un kantidat di otro stèntnan mas riba e ruta di e marchanan.

Nos mes ta resposabel pa tene nos isla limpi p’esei limpia i kolektá tur restu di alimento i materialnan pa sirbi kuminda i ponenan den saku di plèstik pa bai ku Selikor.

This site uses Akismet to reduce spam. Learn how your comment data is processed.

error: Content is protected !!
%d bloggers like this: