KOMUNIKADO DI KUERPO POLISIAL KORSOU TOPIKO MOTRO DEN TRAFIKO

KOMUNIKADO DI KUERPO POLISIAL

053 / 2017

21 febrüari 2017

Morto den tráfiko

Departamentu di Komunikashon i Prevenshon

KUERPO POLISIAL  SIRBI I PROTEHÁ

Djamars 21 di febrüari 2017, alrededor di 06.45 or, Sentral di polis a dirigí un patruya na

Caracasbaaiweg pa un aksidente entre un outo i un motosaikel.

Na yegada di e patruya nan a bin topa un hòmber drumi abou ku un kap na su kabes ku 

tabata sangra bastante. 

For di un investigashon preliminar ku polis a realisá na e sitio, a sali na kla ku shofùr di un 

outo ku tabata kore riba Caracasbaaiweg den direkshon di Saliña, a bai lora na su man robes 

na altura di e krusada ku Sòrsaka. Nèt na momentu ei e shofur di e motosaikel a trata di 

pasa e outo na man robes. Dor di akto aki e motosaikel a bai dal den e parti dilanti di e outo

i shofùr di e motosaikel a pèrdè kontrol riba e vehíkulo i a dal su kabes kontra di un 

‘vangrail’.

Alrededor di 08.30 or dòkter di polis a konstatá morto di e motosiklista, e hòmber Noah 

Daniel Guy Desjardins nasé na Canada 24 di desèmber 1989.

Departamento di Tráfiko ta kontinuá ku e investigashon.

3 potretnan ta kortesia di facebook VIGILANTE