Desaroyo Aria di Rekreo Marie Pampoen kanando positivo – Development of Marie Pampoen Recreational Area moving forward
Desaroyo Aria di Rekreo Marie Pampoen kanando positivo
WILLEMSTAD- 22 di febrüari 2017 – Resientemente Ofisina di Turismo di Kòrsou (CTB) ku ta enkargá ku kordinashon di e aria di rekreo na Marie Pampoen a organisá un enkuentro pa asina duna informashon di e progreso i resultado di e proyekto na e Ministernan konserní. E proyekto ta un inisiativa di Ministerio di Desaroyo Ekonómiko huntu ku Ministerio di Tráfiko, Transporte i Planifikashon Urbáno i Ministerio di Salubridat Públiko, Medio Ambiente i Naturalesa. E enkuentro a konta ku presensia di Ministernan demishonario Eugene Rhuggenaath kompaña pa Minister Zita Jesus Leito i Minister Suzy Camelia Römer i diferente representante di e ministerionan menshoná. Durante di e atardi esnan presente a haña splikashon di parti di representantenan di CTB i di Heren2 Caribbean B.V. ku ta e kompania ku ta asistí CTB ku e partinan tékniko di e proyekto. Na e okashon, Minister Camelia Römer a presentá tambe e pèrmit pa por kontinuá ku e di dos fase di e proyekto Desaroyo Aria di Rekreo Marie Pampoen.
Na aña 2015 a enkargá CTB ku desaroyo di e aria di rekreashon Marie Pampoen. Despues di risibí tur e pèrmitnan nesesario konstrukshon di e aria parti Wèst a kuminsá na aña 2016. E parti aki ta inkluí un aria di parkeo, un playa riba tera, 2 palapa, fasilidat pa barbeque i piknik, un kaminda pa kana i kore, matanan pa sombra i dekorashon, iluminashon i adaptashon di e asera na Dr. M.L. King Boulevard. E konstrukshon di e fase aki ta yegando su parti final. E intenshon ta pa despues di kulminashon di e e parti aki start mas lihé ku ta posibel ku e trabounan na e aria di deporte eksistente ku lo tin ku haña un “face lift” supstansial.
CTB i demas partnernan den e proyekto ta gradisí tur usuario i spesialmente habitantenan di Marie Pampoen pa e komprenshon i pasenshi pa kualke molèster ku e trabounan por kousa i ta kòrda tur usuario ku ta únikamente huntu nos por pèrkurá pa e aria aki keda mantené komo un lugá agradabel pa nos hendenan i turistanan por rekreá .
Nota:
Un bista di e enkuentro ku a tuma lugá na e Aria di Rekreo Marie Pampoen
===============
Development of Marie Pampoen Recreational Area moving forward
WILLEMSTAD- February 22, 2017 – The Curaçao Tourist Bureau (CTB), commissioned with coordinating the recreational area at Marie Pampoen, recently organized a gathering to report to the ministers involved on the progress being made with the project and the results achieved. The project is an initiative of the Ministry of Economic Development, together with the Ministry of Traffic, Transportation and Spatial Planning and the Ministry of Public Health, Environment and Nature. In attendance were ministers Eugene Rhuggenaath, Zita Jesus Leito and Suzy Camelia Römer, as well as several representatives of the aforementioned Ministries. In the course of the afternoon, representatives of the CTB and Heren2 Caribbean B.V., the company assisting the CTB with the technical aspects of the project, explained the project’s developments to those in attendance. On this occasion, Minister Camelia Römer also presented the permits for the second phase of the Marie Pampoen Recreational Area.
In 2015, the CTB was commissioned with developing the Marie Pampoen recreational area. After all the required permits had been secured, construction began in 2016, focusing on the western section of the area. That phase, which includes a parking area, a beach strip, 2 palapas, BBQ and picnic facilities, a walking and jogging path, vegetation for shading and landscaping, illumination and modifications to the sidewalk at the Dr. M.L. King Boulevard, is nearing completion. After this initial phase, the plan is to move on as soon as possible with the development of the existing sports area, which will receive a significant facelift.
The CTB and the other partners in this project wish to thank all users of the area, and especially the inhabitants of Marie Pampoen, for their patience and understanding in connection with any inconveniences they may experience, and at the same time remind all users that it is only together that we will be able to maintain the area as a pleasant environment for tourists and locals alike.
