A saka ganadornan den kampaña di dekorá stènt di KFC ‘Circus Special’

winner-kfc_web

A saka ganadornan den kampaña di dekorá stènt di KFC ‘Circus Special’

Willemstad- “Kreatividat di públiko karnavalista a resaltá grandemente kant’i ruta. Huntu ku un kuerpo grandi di hurado, un tim di empleado di KFC i algun invitado nos a kore e ruta di punta’punta pa tuma nota di e stèntnan ku a dekorá den ambiente di tent di sirko. E tarea tabata sumamente difísil. Nos ta masha kontentu ku akohida di e kampaña i sumamente gradesido na tur ku a partisipá,” esaki di akuerdo ku Randy Maurera di KFC.

Den gran antisipashon pa Gran Marcha e kampaña ‘Circus Special’ di KFC a lansa e kampaña pa dekorá stènt den ambiente di Tent di Sirko di Karnaval. E promé premio a bai pa e stènt ubiká nèt banda di ANAC/BOB Carwash di famia Colina, nan gana 2,500 florin, di dos premio a bai pa e stènt nèt dilanti di CHEPACU den Roodeweg, di famia Ignacio nan a gana 1,000 florin i terser premio a bai pa famia Garcia pa nan stènt Boyoyo nèt banda di Habaai, nan ta risibí 500 florin.

Tabata tin hopi stènt tremendamente dekorá, pero lamentablemente no ta tur por gana. Mester felisitá e stènt di famia Pieter na skina Coloradoweg pa nan tremendo ambiente. Tur stènt ku e tim di KFC a bishita i ounke nan no a kai den premio, lo risibí 2 sertifikado (2x Nafl. 50) pa nan kumpra nan KFC i Pizza Hut na balor total di 100 florin. Masha pabien na tur ganador! No lubidá ku dia 28 di febrüari 2017 lo saka e último ganador di e kampaña kual ta un IPHONE 7 ku henter un aña pagá ku e bundle mas grandi di UTS. Bishitá sea KFC Sta. Rosa, Brionplein, Punda, Colon, Brievengat òf e resien renobá restorant na Saliña i pidi pa bo ‘KFC Circus Special’, i depositá bo lòt mesora!

Riba fotonan athunto un impreshon di e stèntnan ku a resultá den premio di e kampaña ‘Circus Special’ di KFC. Masha pabien na tur ganador!

9m9a5971

9m9a5978

9m9a5987

9m9a6014

winner-kfc_web

This site uses Akismet to reduce spam. Learn how your comment data is processed.

%d bloggers like this: