KOMUNIKADO DI KUERPO POLISIAL KÒRSOU TOPIKO: Tiramentu ku morto ( E víktima ku te na e momento aki no ta identifiká ofishalmente)

header-notisia-di-polis.jpg

KOMUNIKADO DI KUERPO POLISIAL KÒRSOU
059 / 2017
25 febrüari 2017
Tiramentu ku morto
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 25 di febrüari 2017 alrededor di 01.50’or, Sentral di Polis a dirigí un unidat na altura di brùg di ponton na e lado di Punda pa un kaso di tiramentu.
Na e sitio polis a bin topa ku un homber drumi abou ku algun herida di bala na e parti ariba di su kurpa.
For di investigashon preliminar ku polis a realisá na e sitio a sali na kla ku probablemente e hòmber víktima tabata tin un diskushon ku un grupo di persona.
Na dado momentu un di nan a saka un arma di kandela i lòs tiru dirigí riba e víktima ku konsekuensia ku algun di e tirunan aki a alkans’é na e parti ariba di su kurpa.
E víktima ku te na e momento aki no ta identifiká ofishalmente.
E a fayesé na e sitio di e insidente mes.
Despues di e akto e sospechosonan a kore bai.
Dòkter a konstatá morto di e hòmber aki i riba òrdu di Fiskal di Ministerio Públiko a konfiská su kurpa. Investigashon den e kaso aki ta kontinuá.
Na momento ku e víktima keda identifiká ofishalmente, nos lo informá esaki

Polis ta supliká tur persona ku por tin informashon tokante di e kaso aki, pa tuma kontakto ku polis na 917 of e liña anonimo 108.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: