Delegashon di Kòrsou a sali pa St. Lucia
Delegashon di Kòrsou a sali pa St. Lucia
Despues di simannan di preparashon, nos delegashon a sali pa St. Lucia djabièrnè mainta, unda nan lo representá Kòrsou den Antilles IBF 3×3 Hoops Final.
Manera ya konosí, na òktober último nos a organisá e evento “ 3×3 Streetball Curaçao”, kua tabata e promé “National 3×3 Hoops Qualifiers” pa hóbennan di 15 pa 17 aña aki na Kòrsou, tantu mucha muhé komo un di mucha hòmber.
Apesar di e intensidat di e preparashonnan i e echo ku nan lo pèrdè e selebrashon di Karnaval, e hobennan ta sumamente entusiasmá di por bai representá Kòrsou den eksterior.
Fechanan di e kampionato mes ta 25 i 26 di febrüari, i islanan ku ta partisipá, ta Antigua & Barbuda, Aruba, Barbados, Guyana, Saint Lucia, Saint Vincent and the Grenadines, Trinidad and Tobago, France (Guadeloupe, Martinique), Netherlands (Curacao, Sint Maarten).