BONEIRU AKTIVO NA BOLSA DI BIAHE PA KONSUMIDÓ ‘BOSTON GLOBE’

BONEIRU AKTIVO NA BOLSA DI BIAHE PA KONSUMIDÓ ‘BOSTON GLOBE’

*E isla a debutá eksponiendo su diversidat na produkto riba i bou di awa*

Kralendijk (2 di mart 2017) – Boneiru a partisipá di 10-12 di febrüari pa di promé bes na e bolsa di biahe ‘Boston Globe Travel Show’. A tene e bolsa na Seaport World Trade Center na Boston, Massachusetts i a duna oportunidat na konsumidónan pa topa otro destinashonnan mundial i profundisá nan mes den informashon di biaha pa futuro biahenan.
“Komo sosten na e strategia di merkadeo di portal pa 2017 di TCB Nort-Amérika, a introdusí Boneiru na biaheronan for di e tòp merkado suministradó di Boneiru, esta Boston,” Maurice Adriaens, Direktor di Tourism Corporation Bonaire a komentá. “Ekshibishon na e bolsa akí ta alkansá biaheronan for di un merkado ku ta garantisá suministro pa e buelonan di United for di Newark i Houston i e buelonan di Delta for di Atlanta,” asina el a konkluí.
Komo preparashon pa e debut di Boneiru na e bolsa di Boston Globe, TCB Nort-Amérika a krea un plan di merkadeo di sinku punto, pa hasi impakto riba bishitantenan di e bolsa i personanan den e área di atenshon di Boston ku no por a bishitá e bolsa, pero ku por ta potensial biaheronan.
Den kurso di e evento di tres dia, míles di bishitante di e bolsa, profeshonalnan di biahe i miembronan di prensa a bishitá e stènt di TCB pa haña sa mas di e destinashon, pa partisipá den e loteria ‘Bonaire Rocks Sweepstakes’ i diskutí plannan di biahe. Mayoria bishitante no tabata sambuyadó i pa mayoria Boneiru tabata un destinashon nobo. Tabatin material di promoshon di Boneiru optenibel na e stènt di TCB pa e bishitantenan bai kuné.
E isla tabata representá pa Marie Rosa, representante di TCB Nort-Amérika i di parti di sektor privá pa Jessica Gonzalez, direktor di merkadeo di Harbour Village Beach Club. Komo ku a enkurashá sektor privá pa partisipá huntu ku TCB na e bolsa akí, a distribuí material den nan nòmber ku a inkluí foyetonan i informashon di miembronan di BONHATA, Sorobon Beach Resort Bonaire i Divi Flamingo Beach Resort & Casino.

img-20170210-wa0011

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: