KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Mester bin un paro na miembronan di Parlamento Kameleon Hòrta o bende asiento pa probecho propio mester stòp!

partido-par

Mester bin un paro na miembronan di Parlamento Kameleon Hòrta o bende asiento pa probecho propio mester stòp!

Ultimo tempu a bira un tendensia ku sierto figuranan ta afiliá na un partido polítiko ku “masha bon intenshon” siendo ku internamente nan tin otro agènda. Durante di e bida kòrtiku di e Parlamento aktual hinter komunidat por a tuma nota kon partidonan ku a bai elekshon a base di un filosofia i programa di akshon, a haña asiento den Parlamento pa representá e pueblo, pa despues algun kandidato ku a haña asiento den Parlamento via di nan partido pa representá esnan ku a depositá e konfiansa primeramente den e partido, a defroudá e pueblo votadó.
Ta mas ku lógiko ku e komportashon di kameleón aki no ta sirbi pueblo ku nada. Es mas, dor di hòrta òf bende un asiento pa ganashi propio, e pueblo no ta wòrdu sirbí. Es mas, hòrtamentu òf bendementu di asiento komo instrumento pa ehersé poder ta afektá hinter e funshonamentu di un Parlamento i tambe di un gobièrnu. Den un pais chikitu manera Kòrsou robamentu òf bendementu di asiento mesora por í ta hinka un pais den un krísis gubernamental poniendo un stagnashon den trabounan ku un gobièrnu mester hasi pa su pueblo. Netamente esaki a sosodé ku Gabinete Koeiman, ku no a haña ni dos luna pa e funshoná pa por ehekutá e akuerdo di Gobernashon: “Dignidat Humano ta Sentral”.
For di prinsipio mannan invisibel a trata na opstakulisá funshonamentu di Gobièrnu dor di traha tur tipo di trampa i aserká posibel “parlamentario kameleon” pa strob’e Gabinete Koeiman.
Frakshon di PAR ta lamentá e proseder aki i ta tuma e tendensia ku un parlamentario ta bai elekshon ku meta pa e sali benefisioso for di elekshon en bes di e sirbi e pueblo na promé lugá, masha na serio.
P’esei e frakshon di PAR den persona di sra. Marilyn Alcalá-Wallé den Parlamento a manda un karta pa e “Komishon di Funshonamentu di Parlamento” (Commissie voor de Werkwijze) dunando algun sugerensia pa kambio den e Reglamentu di Orden (RvO) ku e meta pa destímula e tendensia negativo aki.
Alabes sra. Alcalá-Wallé a dirigí un karta pa minister di Asuntunan General / Minister Presidente ku tin un ròl di kordinadó di Gobièrnu pa lokual ta trata aspektonan hurídiko, pa pidi atenshon i evaluashon di e maneho pa ku robamentu i bendementu di asiento ya ku e ta afektá gobièrnu su funshonamentu tambe direktamente.
Pueblo mester por konfia riba partidonan polítiko i tambe esnan riba lista ku ta duna di konosé delantá ku nan ta sostené ideologia, programa i maneho di partido pa despues unabes nan tin asiento distansia nan mes for di e partido. No por ta asina ku personanan kameleón ta wòrdu stimulá i ta duna públikamente di konosé ku pasombra nan deseo personal no por wòrdu kristalisá, nan ta lubidá riba pueblo i kuminsá negoshá ku e asiento pa mihó benefisio personal.
E komportashon aki ta afektá e funshonamentu di hinter un pais. Den e karta ku sra. Alcalá-Wallé a dirigí pa e Minister konserní ela puntra si e Konseho di Minister ta kompartí e ponensia ku e sistema di hòrta òf bende asiento ta hasi gobernashon vulnerabel; ku konsekuentemente no por ehekutá e programa pa pueblo; ku e destabilisashon aki ta krea un krísis gubernamental ku tin impakto roba diferente tereno e.o. e sektor di energia/ refineria, enseñansa, desaroyo ekonómiko, salubridat, etc.
Finalmente sra. Alcalá-Wallé a puntra e Minister konserní si tin e posibilidat pa instituí un komishon multidisiplinario “ Evaluatie Kiesstelsel i.v.m. Zetelroof en zetelkoop”/ Evaluashon di e Sistema Elektoral en konekshon ku hòrtamentu òf bendementu di asiento i e realidat polítiko ku Kòrsou ta konfrontando.

639114718427035"
639114718427035"